პოლონელმა მუსიკოსმა და სკოლამდელი განათლების ექსპერტმა პიოტრ კაიამ თბილისში ორდღიანი ტრენინგი ჩაატარა, რომლის თემაც იყო საბავშვო ბაღში მუსიკალური განათლება და მას ყვარლის საბავშვო ბაღების პედაგოგებიც ესწრებოდნენ, - აღნიშნულ ინფორმაციას ყვარლის სკოლამდელი აღზრდის დაწესებულებათა გაერთიანება ავრცელებს.
როგორც გაერთიანება იტყობინება, ყვარლის მუნიციპალიტეტის საბავშვო ბაგა-ბაღებიდან ტრენინგს ესწრებოდნენ სოფელ ახალსოფლის ბაღის მუსიკის მასწავლებელი მალინა მარტიაშვილი, ყვარლის მე-3 საბავშო ბაგა-ბაღის მუსიკის მასწავლებელი ნინო ზალატარევა და გაერთიანების მეთოდისტი ირმა ველიაშვილი.
აღნიშნული ტრენინგის შემდეგ, ტრენინგგავლილმა პირებმა ყვარლის პირველ საბავშვო ბაღში ჩატარდა საინფორმაციო შეხვედრა მუნიციპალიტეტის ყველა საბავშვო ბაგა-ბაღის მუსიკის მასწავლებელთან ტრენინგზე მიღებული ინფორმაციის გაზიარების მიზნით.
შეხვედრაზე განხილული იყო 4 მოდული შესაბამისი მუსიკალური აქტივობებით:
- როგორ ვითარდება ცნობისმოყვარეობა, როგორ შევქმნათ საინტერესო გარემო;
- კვლევის უნარების განვითარება;
- ინდივიდუალურობა და ჯგუფური მუზიცირება;
- შემოქმედებითობა მუსიკით და ცეკვით.
იხილეთ ასევე:
თელაველი ბაღის მასწავლებლის სიმღერები ქვეყნის აღსაზრდელებისთვის ყოველდღიურობა გახდება
