თელავის მუნიციპალიტეტის ბაგა-ბაღების მართვის სააგენტო იტყობინება, რომ ქალაქში საზაფხულო ბაღი გაიხსნება.
საზაფხულო ბაგა-ბაღი თელავის N7 ბაგა-ბაღში მოეწყობა.
საზაფხულო ბაგა-ბაღში სასწავლო-სააღმზრდელო პროცესი 1-ელი აგვისტოდან დაიწყება და 31 აგვისტოს დასრულდება.
საზაფხულო ბაღების მომსახურებით ისარგებლებენ თელავის მუნიციპალიტეტში - ქალაქსა და სოფელში მცხოვრები ბაგა-ბაღების აღსაზრდელები.
საზაფხულო ბაგა-ბაღში ბავშვების რეგისტრაცია დაიწყება მიმდინარე წლის 10 ივლისიდან და გაგრძელდება 21 ივლისის ჩათვლით.
საზაფხულო ბაღში რეგისტრაციისათვის აუცილებელია შემდეგი საბუთები:
- ბავშვის დაბადების მოწმობის ასლი;
- ბავშვის ფოტოსურათი 3/4 ზე- 1 ცალი;
- მშობლების/კანონიერი წარმომადგენლის პირადობის მოწმობის ასლები;
- ორივე მშობლის/კანონიერი წარმომადგენლის ცნობა სამუშაო ადგილიდან.
რეგისტრაციისათვის უნდა მიბრძანდეთ შემდეგ მისამართზე: თელავი, ჭავჭავაძის ქ.4, N3 ბაღის შენობა, მესამე სართული.
იხილეთ ასევე:
საზაფხულო აქტივობა საბავშვო ბაღში - „ზღვა“ გარდაბანში
საბავშვო ბაღის 3 300-ზე მეტი თანამშრომელი დამატებით ანაზღაურებას მიიღებს - გოგი ჩიქოვანი
