მარტვილში სკოლამდელ დაწესებულებებში დასაქმებული პერსონალი და საგანმანთლებლო-სააღმზედელო პროცესში მონაწილე ბავშვთა  რამდენიმე მშობელი დააჯილდოვეს.

როგორც მარტვილის სკოლამდელი საგანმანათლებლო-სააღმზრდელო დაწესებულებათა ცენტრი იტყობინება, აღნიშნული ღონისძიება ხელს უწყობს პერსონალის მოტივაციის ამაღლებასა და მშობელთა ჩართულობის გაზრდის კურიკულუმით განსაზღვრულ შიდა/გარე აქტივობებში, რაც მეტად მნიშვნელოვანია სკოლამდელი განათლების მხარდაჭერის საქმეში.

„თანამშრომლობისა და გუნდური მუშაობის პრინციპებზე დაყრდნობით გამოვლინდა მარტვილის მუნიციპალიტეტის სკოლამდელი საგანმანათლებლო-სააღმზრდელო დაწესებულებათა ცენტრის 45 წარმატებული თანამშრომელი, რომელთაც  დიდი წვლილი შეაქვთ სკოლამდელი განათლების ციკლური განვითარების საქმეში და რაც არანაკლებ მნიშვნელოვანია, 5 მშობელი, რომელნიც აქტიურად იყვნენ ჩართულნი კურიკულუმის დანერგვისა თუ განხორციელების პროცესში.

ჩვენ ვზრუნავთ სკოლამდელი განათლების მხარდაჭერასა და გაძლიერებაზე. ჩვენ ერთობით ვზრუნავთ საქართველოს მომავალზე!“, - ნათქვამია სკოლამდელი საგანმანათლებლო-სააღმზრდელო დაწესებულებათა ცენტრის მიერ გავრცელებულ ინფორმაციაში.

იხილეთ ასევე:

„მადლიერება მინდა გამოვხატო აღმზრდელების მიმართ დაუღალავი მუშაობისა და ბავშვების სიყვარულის გამო“ - სკოლამდელი დაწესებულების დირექტორი

საბავშვო ბაღში პატარებს ინგლისურად თამაში სტუდენტმა ასწავლა - „ეს პერსპექტიულია სკოლამდელ გარემოში“