საბავშვო ბაღის პერსონალის სამსახურებრივი ინსტრუქციები, ქცევისა და ეთიკის ნორმები მუნიციპალიტეტების მიერ ინდივიდუალურად არის ჩამოყალიბებული.
თბილისის მუნიციპალიტეტში მოქმედი დოკუმენტების მიხედვით, ქცევისა და ეთიკის ნორმები თანამშრომლებთან ურთიერთობის დროს, ასეა ჩამოყალიბებული:
► საბავშვო ბაღის პერსონალს, ერთმანეთის მიმართ უნდა ჰქონდეს კოლეგიალური, პატივისცემასა და ნდობაზე დაფუძნებული ურთიერთთანამშრომლობა.
► პერსონალი უნდა მუშაობდეს გუნდურად, მხარს უჭერდეს თითოეული თანამშრომლის ინიციატივებს და, ასევე, ქმნიდეს ჯანსაღ სამუშაო გარემოს.
► პერსონალი მხარს უნდა უჭერდეს თითოეულ თანამშრომელს პროფესიულ ზრდასა და განვითარებაში.
► პერსონალი უნდა ამჟღავნებდეს პროფესიულ სოლიდარობას და კოლეგიალობას.
► პერსონალი მხარს უნდა უჭერდეს თანამშრომლებს პროფესიული საქმიანობის განხორციელებაში ცოდნის, გამოცდილების, იდეებისა და საგანმანათლებლო რესურსის გაზიარების გზით.
► პერსონალი, დაწესებულებაში დაძაბული ურთიერთობის წარმოშობის შემთხვევაში, უნდა ზრუნავდეს მის განმუხტვაზე და ორიენტირებული იყოს დაწესებულებაში წამოჭრილი პრობლემის გადაწყვეტაზე.
► პერსონალი უნდა აღიარებდეს და პატივს სცემდეს თითოეული თანამშრომლის პიროვნულ თვისებებს, ინდივიდუალობასა და პროფესიულ გამოცდილებას.
► პერსონალი თავს უნდა არიდებდეს თანამშრომლის საქმიანობაში უხეშ ჩარევას, არ იძლეოდეს იმპერატიულ მითითებებს თანამშრომლის მისამართით.
► პერსონალი პატივს უნდა სცემდეს განსხვავებულ მოსაზრებას და კონსტრუქციული დიალოგის გზით ცდილობდეს კონსენსუსის მიღწევას.
► პერსონალმა უნდა აღკვეთოს ისეთი ქმედება, რომელიც დაამცირებს, შეურაცხყოფს თანამშრომელს ან ხელს შეუშლის მას უფლებამოსილების განხორციელებაში.
► პერსონალი არ ახვევს საკუთარ რელიგიურ, პოლიტიკურ და მსოფლმხედველობრივ შეხედულებებს თანამშრომლებს.
იხილეთ ასევე:
