საბავშვო ბაგა-ბაღების მართვის სააგენტოებსა და გაერთიანებებში ფუნქციონირებს მონიტორინგის განყოფილება.

რა ფუნქციები აკისრიათ მუნიციპალიტეტის სკოლამდელი აღზრდის დაწესბულებების მონიტორინგის სამსახურებს?

თბილისის საბავშვო ბაგა-ბაღების მართვის სააგენტოს წესდებაში ამ სამსახურის ფუნქციები ასეა ჩამოყალიბებული:

1. სკოლამდელი აღზრდის საჯარო დაწესებულებებში ჰიგიენის, კვების, აღსაზრდელთა ჯანმრთელობის დაცვის, აღსაზრდელთა უსაფრთხოების დაცვის და შენობის არსებული სტანდარტების შესაბამისად მოწყობის გეგმიური ან/და შერჩევითი მონიტორინგი;
2. სკოლამდელი აღზრდის საჯარო დაწესებულებებში დანერგილი სააღმზრდელო-საგანმანათლებლო მეთოდოლოგიის, სტანდარტების, ინკლუზიური მიდგომების დანერგვის და განხორციელების, ასევე, სასწავლო-სააღმზრდელო პროცესის მიმდინარეობის გეგმიური ან/და შერჩევითი მონიტორინგი;
3. სკოლამდელი აღზრდის საჯარო დაწესებულებების ფინანსური საქმიანობის, განხორციელებული და დაგეგმილი შესყიდვების გეგმიური ან/და შერჩევითი მონიტორინგი;
4. სკოლამდელი აღზრდის საჯარო დაწესებულებებში ბავშვთა რეგისტრაციის, ჩარიცხვა/ამორიცხვის, აღსაზრდელთა აღრიცხვის, თანამშრომელთა შრომითი პირობების დაცვის, შრომის დისციპლინის დაცვის, საქმისწარმოების და სკოლამდელი აღზრდის საჯარო დაწესებულებების საქმიანობასთან დაკავშირებული სხვა საკითხების გეგმიური ან/და შერჩევითი მონიტორინგი;
5. სააგენტოს სტრუქტურული ერთეულების თანამშრომელთა მიერ, შრომის დისციპლინის დაცვის მონიტორინგი;
6. კომპეტენციის ფარგლებში, სამსახურში შემოსულ განცხადება/საჩივრების განხილვა და საპასუხო გადაწყვეტილების/წერილის პროექტების მომზადება;
7. მასზე დაკისრებული ფუნქციების შესრულების მიზნით, კომპეტენციის ფარგლებში სახელმწიფო ორგანოებთან, არასამთავრობო ორგანიზაციებთან, სხვა დაწესებულებებთან და ქალაქ თბილისის მუნიციპალიტეტის საკრებულოს და მერიის სტრუქტურულ ერთეულებთან თანამშრომლობა;
8. მონიტორინგის შედეგების მიხედვით, სააგენტოს დირექტორისა და კურატორი დირექტორის მოადგილის წინაშე, სააგენტოს თანამშრომელთა და სკოლამდელი აღზრდის საჯარო დაწესებულებების დირექტორების დისციპლინური პასუხისმგებლობის ან წახალისების ზომების გამოყენების შესახებ საკითხის დასმა;
9. უზრუნველყოს სკოლამდელი აღზრდის დაწესებულებების მომსახურების ხარისხის მდგრადობა კვების, ჰიგიენის და სკოლამდელი აღზრდის მეთოდოლოგიის განვითარების მიმართულებით;
10. ხელი შეუწყოს სკოლამდელ დაწესებულებებში თანამშრომელთა პროფესიულ განვითარების პროცესს;
11. ხელი შეუწყოს სკოლამდელი აღზრდის დაწესებულებებში ინკლუზიური განათლების პროცესს;
12. ხელი შეუწყოს გეგმიური და ეპიდსაწინააღმდეგო სანიტარულ–ჰიგიენური და პროფილაქტიკური ღონისძიებების დაგეგმვას და განხორციელებას;
13. ხელი შეუწყოს ბავშვის კეთილდღეობაზე ორიენტირებული სამთავრობო და არასამთავრობო ორგანიზაციების შეთანხმებულ მუშაობას;
14. სააგენტოს და ბაგა–ბაღების მუშაობის გაუმჯობესების, ასევე, ეფექტურობის გაზრდის მიზნით, ახალი ინიციატივების წარმოჩენა.
15. სააგენტოს წესდებითა და მოქმედი კანონმდებლობით გათვალისწინებული უფლებამოსილების ფარგლებში, სამსახურის მიზნების მისაღწევად, სააგენტოს დირექტორის და კურატორი დირექტორის მოადგილის (ასეთის არსებობის შემთხვევაში) ცალკეული დავალებების შესაბამისად, სხვა უფლება-მოვალეობათა განხორციელება.

იხილეთ ასევე:

საზაფხულო ბაღების ჩამონათვალი - სკოლამდელი აღზრდის დაწესებულება თბილისის ათივე რაიონში იმუშავებს

განაცხადის ნიმუში, რომელიც საბავშვო ბაღებმა განათლების სამინისტროს უნდა წარუდგინონ - თანდართული უნდა ჰქონდეს დოკუმენტების ნუსხა