აშშ–ის საერთაშორისო განვითარების სააგენტოს, USAID-ის ადგილობრივი თვითმმართველობის პროგრამის ფარგლებში, შეხვედრა გაიმართა ბათუმის მუნციპალიტეტის სკოლამდელი აღრზდის დაწესებულებების წარმომადგენლებთან.
შეხვედრის მიზანია ადგილობრივი მოსახლეობის ჩართულობის გაზრდა მუნიციპალური ბიუჯეტის დაგეგმვის პროცესში.
პროექტი, სხვა ღონისძიებებთან ერთად, ითვალისწინებს მუნიციპალური ბიუჯეტის პროგრამების ანალიზს გენდერული თანასწორობის და სოციალური ინკლუზიის ინდიკატორების გამოყენებით. აღნიშნულის მიზნით მუნიციპალიტეტებში შეხვედრები იმართება ადგილობრივი მოსახლეობის სხვადასხვა სოციალური ჯგუფის წარმომადგენლებთან, არასამთავრობო ორგანიზაციებთან.
შეხვედრებზე მოსახლეობას მიეწოდება ინფორმაცია მუნიციპალური ბიუჯეტის პრიორიტეტების შესახებ, შეხვედრის მონაწილეები ავსებენ კითხვარს სადაც აფიქსირებენ თავიანთ მოსაზრებას მუნიციპალური სერვისების, ბიუჯეტის პრიორიტეტების შესახებ.
ადგილობრივი თვითმმართველობის პროგრამა ხორციელდება საქართველოს 11 მუნიციპალიტეტში. პროგრამის ფარგლებში მუნიციპალიტეტებს დახმარება გაეწევათ 2024 წლების საბიუჯეტო დოკუმენტების მომზადებაში და გაეროს მდგრადი განვითარების მიზნების ადგილობრივ დონეზე ლოკალიზებაში. პროექტს ბათუმის, ოზურგეთის, ჩოხატაურის და მესტიის მუნიციპალიტეტებში „საკონსულტაციო კომპანია CBI“ ახორციელებს.
იხილეთ ასევე:
