თბილისის N19 საბავშვო ბაგა-ბაღი რამდენიმე თვეში ახალ შენობაში დაბრუნდება. მიმდინარე სამშენებლო სამუშაოები თბილისის მერის მოადგილემ კახა გულედანმა საბავშვო ბაგა-ბაღების მართვის სააგენტოს ხელმძღვანელ გოგი ჩიქოვანთან ერთად დაათვალიერა, - ნათქვამია თბილისის საბავშვო ბაგა-ბაღების სააგენტოს მიერ გავრცელებულ ინფორმაციაში.

„დიღმის მასივის მეოთხე კვარტალში მდებარე საბავშვო ბაღის ძველი შენობის ნაცვლად ახალი, თანამედროვე დიზაინის და სტანდარტების შენობა აშენდა, სადაც ექსპლუატაციაში მიღების შემდეგ, 250-მდე აღსაზრდელი ისწავლის. შენობა აღიჭურვება საერთაშორისო და ეროვნული კანონმდებლობით გათვალისწინებული სტანდარტების შესაბამისად - ადაპტირდება შშმ პირთათვის, მაღალი სტანდარტების კვების ბლოკი იფუნქციონირებს, მოეწყობა შიდა და გარე ეზო, დამონტაჟდება ვიდროსამეთვალყურეო და სახანძრო უსაფრთხოების სისტემები", -  განაცხადა გოგი ჩიქოვანმა.