სხვადასხვა მუნიციპალიტეტებში მდებარე სკოლამდელი აღზრდისა და განათლების დაწესებულებებისთვის, ბაღების გაერთიანებები, ტენდერით თუ გამარტივებული შესყიდვის წესით, სხვადასხვა ინვენტარს ყიდულობენ.
ამჯერად, წყალტუბოს მუნიციპალიტეტის საბავშვო ბაღების გაერთიანებამ, ტენდერის საფუძველზე, სამზარეულოს ინვენტარი - ქვაბები, ტაფები, კონტეინერები, ბოსტნეულის სახეხები, საჭრელი დაფები და ყველა აღსაზრდელისთვის საბავშვო ჭურჭლის ნაკრები შეიძინა, რაშიც 48 852 ლარი გადაიხადა. სტატისტიკის ეროვნული სამსახურის 2022-2023 სასწავლო წლის მონაცემებით, წტალტუბოს მუნიციპალიტეტში სულ 24 საბავშვო ბაღია, სადაც 1 500 აღსაზრდელი ირიცხება.
გურჯაანის სკოლამდელი სააღმზრდელო დაწესებულებების გაერთიანებამ, გამარტივებული შესყიდვის წესით, 39-ე ხელშეკრულების საფუძველზე, ყველა საბავშვო ბაგა-ბაღს, ჯგუფებისთვის, ხალიჩები შეუძინა. 89 ხალიჩა გაერთიანებას 3 738 ლარი დაუჯდა. სტატისტიკის ეროვნული სამსახურის 2022-2023 სასწავლო წლის მონაცემებით, გურჯაანის მუნიციპალიტეტში სულ 38 სკოლამდელი აღზრდის დაწესებულებაა, სადაც 1 798 ბავშვია რეგისტრირებული.
იხილეთ ასევე:
10 წიგნის ჩამონათვალი, რომელიც საბავშვო ბაღებს დაურიგდება - ტენდერი გამოცხადებულია
