2023-2024 სასწავლო-სააღმზრდელო წლისთვის, ბავშვებს საყოველთაო რეგისტრაცია, სხვადასხვა მუნიციპალიტეტში სხვადასხვა დროს დაიგეგმა.

ამჯერად, ორი მუნიციპალიტეტის სკოლამდელი აღზრდის დაწესებულებებში ჩარიცხვის წესებსა და პირობებს გაგანცობთ.

მცხეთის მუნიცპალიტეტის სკოლამდელი აღზრდის დაწესებულებათა გაერთიანებაში შემავალ საბავშვო ბაღებსა და ბაგა-ბაღებში 2023-2024 სასწავლო სააღმზრდელო წლისათვის ბავშვთა რეგისტრაცია დაიწყო 2023 წლის 1 ივნისს და წარიმართება 3 ეტაპად.

პირველ ეტაპზე 2023 წლის 1 ივნისიდან 2023 წლის 16 ივნისის ჩათვლით განხორციელდება შემდეგი კატეგორიის ბავშვების დარეგისტრირება:

1. სოციალურად დაუცველი ბავშვები.
2. სპეციალური საგანმანათლებლო საჭიროების მქონე ბავშვები.
3. იმ ოჯახის ბავშვები ,რომელთა შვილი (შვილები) სარგებლობენ იმავე სკოლამდელი აღზრდის დაწესებულების მომსახურებით.

მეორე ეტაპზე 2023 წლის 19 ივნისიდან 2023 წლის 7 ივლისის ჩათვლით განხორციელდეს შემდეგი კატეგორიის ბავშვების დარეგისტრირება:

1. საბავშვო ბაგა-ბაღის პერსონალის შვილები.
2. სკოლამდელი აღზრდის დაწესებულების მიმდებარე ტერიტორიაზე მცხოვრები ბავშვები.
3. ბავშვები რომელთა მშობლები მუშაობენ სკოლამდელი დაწესებულების მიმდებარე ტერიტორიაზე.

მესამე ეტაპზე 2023 წლის 10 ივლისიდან კი განხორციელდეს ყველა კატეგორიის ბავშვების დარეგისტრირება.

1.რეგისტრაციის გავლას შეძლებს ყველა ის ბავშვი , რომელიც სასწავლო სააღმზრდელო წლის დასაწყისში (და არა რეგისტრაციის მომენტში) 2 წლის იქნება.

მცხეთის მუნიციპალიტეტში სულ 29 საბავშვო ბაღია.

მარტვილის მუნიციპალიტეტში შემავალ საბავშვო ბაღებში  აღსაზრდელთა ჩარიცხვა მიმდინარეობს მიმდინარე წლის 1 ივნისიდან 1 ივლისის ჩათვლით.

„გთხოვთ, ცენტრში საბუთები წარმოადგინოთ მარტვილის N1 და N2 საბავშვო ბაღებში ჩარიცხვის მსურველებმა, ხოლო სოფლის ბაღებში ჩარიცხვის მსურველებმა საბუთები წარმოადგინეთ სოფლის საბავშვო ბაღებში“, - იტყობინება მარტვილის სკოლამდელი საგანმანათლებლო_ სააღმზრდელო დაწესებულებათა ცენტრი

თან უნდა იქონიოთ შემდეგი დოკუმენტები:

1. ბავშვის დაბადების მოწმობის ასლი ნოტარიულად დამოწმებული
2. ჯანმრთელობის ცნობა
3. ფოტოსურატი 3×4 _ზე და დისკი
4. მშობლების პირადობის ასლები
5. „პაპკა-ფაილი“
6. სოციალურიდან ამონაწერი თუ სარგებლობთ სოციალურის სტატუსით.

მარტვილის მუნიციპალიტეტში სულ 22 საჯარო საბავშვო ბაღია.

იხილეთ ასევე:

როდის გამოცხადდება თბილისის საბავშვო ბაგა-ბაღებში აღსაზრდელთა რეგისტრაცია - კითხვა, რომლის პასუხსაც ათასობით მშობელი ელოდება

ბაღებში ბავშვების ჩარიცხვის დეტალები 3 მუნიციპალიტეტში - რეგისტრაციის პროცედურები, თარიღები და წარსადგენი დოკუმენტაცია განსხვავებულია