როგორც თბილისის საბავშვო ბაღების მართვის სააგენტო იტყობინება, შეხვედრაზე სამშენებლო პროექტების მიმდინარეობა და მათი შესრულების გეგმა-გრაფიკი განიხილეს, სადაც ხაზი გაესვა სამუშაოების დროულად და ხარისხიანად შესრულების აუცილებლობას.

სააგენტოს ხელმძღვანელის განცხადებით, პროექტების დროული და ხარისხიანი შესრულება უაღრესად მნიშვნელოვანია თბილისის მცხოვრებლებისათვის, რადგან უამრავი ოჯახი ელოდება ახალი სკოლამდელი დაწესებულებების გახსნას, ასევე, რეაბილიტირებულ შენობებში სააღმზრდელო პროცესის გაგრძელებას.

„ჩვენთვის მნიშვნელოვანია სამუშაოები ხარისხიანად და სტანდარტების შესაბამისად წარიმართოს, ამავდროულად, დაცული იყოს ხელშეკრულებით გათვალისწინებული ვადები, რათა შევძლოთ თბილისის სხვადასხვა უბანში თანამედროვე სტანდარტების ახალ საბავშვო ბაღებში ბავშვების მიღება. ამ ეტაპზე, თბილისში 10 საბავშვო ბაღი შენდება და მიმდინარეობს ორი ბაღის შენობების კაპიტალური რეაბილიტაცია, შესაბამისად, საჭიროა, რომ ასეთი მასშტაბური პროექტები დროულად და წარმატებით დასრულდეს", - განაცხადა გოგი ჩიქოვანმა.

იხილეთ ასევე:

„აღმზრდელებს დაბალი კვალიფიკაცია აქვთ“ - როგორ აპირებენ მუნიციალიტეტები სკოლამდელი აღზრდის დაწესებულებების პრობლემის მოგვარებას

ბაღის დირექტორი და აღმზრდელი ბავშვებზე ძალადობის ბრალდებით გაათავისუფლეს