ელექტრონული რეგისტრაცია ჩატარდება ორ ეტაპად სარეგისტრაციო საიტზე www.rustavikids.ge.

პირველი ეტაპი - ელექტრონული რეგისტრაცია გაიმართება 2 ივნისს, დილის 10 საათიდან 17 საათამდე.

ა) სპეციალური საგანმანათლებლო საჭიროების მქონე ბავშვები - პირი, რომელსაც თანატოლებთან შედარებით აქვს სიძნელე სწავლაში და რომლისთვისაც საჭიროა სასწავლო-სააღმზრდელო პროცესის მოდიფიცირება ან/და სასწავლო გარემოსთან ადაპტაცია ან ინდივიდუალური სასწავლო გეგმის შედგენა და განხორციელება. წარმოსადგენი დოკუმენტი: ცნობა ჯანმრთელობის მდგომარეობის შესახებ, რომლითაც დადასტურდება ბავშვის სსსმ სტატუსი და იკითხება კონკრეტული დიაგნოზი.

ბ) დედმამიშვილები - რუსთავის საბავშვო ბაგა–ბაღების გაერთიანების ფილიალში ჩარიცხული აღსაზრდელის დედმამიშვილი, გარდა 2022-2023 სასწავლო წლის 5-6 წლიან ასაკობრივი ჯგუფის აღსაზრდელებისა. წარმოსადგენი დოკუმენტი: ცნობა , რომელიც ადასტურებს, რომ ჩასარიცხი ბავშვის და-ძმა საბავშვო ბაღში დადის. 

გ) მარტოხელა მშობლის სტატუსის მქონე პირთა შვილები - მარტოხელა დედის ან მარტოხელა მამის სტატუსის მქონე პირის შვილი ან/და ნაშვილები. წარმოსადგენი დოკუმენტი: ბავშვის დაბადების აქტის ჩანაწერი, სადაც არ არის შეტანილი ჩანაწერი ბავშვის მამის ან დედის შესახებ ან/და მარტოხელა მშობლის სტატუსის დამადასტურებელი დოკუმენტი.

დ) მინდობით აღზრდაში მყოფი ბავშვები - სახელმწიფოსა და მინდობით აღმზრდელს შორის დადებული ხელშეკრულების საფუძველზე მინდობით აღმზრდელისთვის მინდობით აღსაზრდელად გადაცემული პირი. წარმოსადგენი დოკუმენტი: შესაბამისი უფლებამოსილების მქონე დაწესებულების მიერ გაცემული ცნობა ან მოწერილობა, რომლითაც დასტურდება ზემოაღნიშნული ან სახელმწიფოსა და მინდობით აღმზრდელს შორის დადებული ხელშეკრულება.

ე) ობოლი ბავშვები - რომლებსაც გარდაცვლილი ჰყავთ ერთ-ერთი მშობელი ან არცერთი მშობელი არ ჰყავსთ. წარმოსადგენი დოკუმენტი: ბავშვის დაბადების მოწმობის ასლი და მშობლის გარდაცვალების მოწმობა. 

ვ) მრავალშვილიანი მშობლის სტატუსის მქონე პირთა შვილები - პირი, რომელსაც ჰყავს ოთხი ან მეტი შვილი ან/და ნაშვილები; წარმოსადგენი დოკუმენტი: მრავალშვილიანი მშობლის სტატუსის დამადასტურებელი დოკუმენტი.

ზ) უსთავის საბავშვო ბაგა–ბაღების გაერთიანების თანამშრომელთა შვილები. წარმოსადგენი დოკუმენტი: ცნობა საბავშვო ბაგა–ბაღების გაერთიანებაში დასაქმების შესახებ.

პრიორიტეტული კატეგორიით დარეგისტრირებულ აღსაზრდელის მშობელმა/კანონიერმა წარმომადგენელმა, არაუგვიანეს 2023 წლის 15 ივნისისა შესაბამის ფილიალში წარადგინოს პრიორიტეტული კატეგორიის სტატუსის დამადასტურებელი დოკუმენტი და ჩარიცხვისთვის სავალდებულო დოკუმენტაცია.

20 ივნისს საყოველთაო რეგისტრაცია გაიმართება შემდეგი სქემით:

ა) 10 საათიდან 2-3 წლიან ასაკობრივ ჯგუფში (დაბადებული ბავშვები: 01.10.2020 წლიდან-30.09.2021 წლის ჩათვლით);

ბ) 11 საათიდან 3-4 წლიან ასაკობრივ ჯგუფში (დაბადებული ბავშვები: 01.10.2019 წლიდან-30.09.2020 წლის ჩათვლით);

გ) 12 საათიდან 4-5 წლიან ასაკობრივ ჯგუფში (დაბადებული ბავშვები: 01.10.2018 წლიდან-30.09.2019 წლის ჩათვლით);

დ) 13 საათიდან 5-6 წლიან ასაკობრივ ჯგუფში (დაბადებული ბავშვები: 01.10.2017 წლიდან-30.09.2018 წლის ჩათვლით);

სარეგისტრაციო საიტი ჩაირთვება უშუალოდ რეგისტრაციის წინ.

დარეგისტრირებულ აღსაზრდელის მშობელმა/კანონიერმა წარმომადგენელმა, არაუგვიანეს 2023 წლის 13 ივლისს, შესაბამის ფილიალში წარადგინოს ჩარიცხვისთვის საჭირო დოკუმენტაცია.

1. ბავშვის დაბადების მოწმობა (ასლი)

2. ორი ფოტოსურათი (3x4) 

3. ცნობა ბავშვის რუსთავში რეგისტრაციის შესახებ, გაცემული იუსტიციის სამინისტროს სსიპ "სამოქალაქო სერვისების განვითარების სააგენტოს" ან საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ -(საინფორმაციო ბარათი.

4. ჯანმრთელობის ცნობა (ფორმა N100).

ყურადღება: 

რუსთავის ბაგა-ბაღების გაერთიანება მშობლებს აფრთხილებს, რომ 2021 წლის 1 ოქტომბრიდან 1 ნოემბრამდე დაბადებულ ბავშვებს, ბაგა-ბაღებში მიიღებენ განცხადების საფუძველზე, იმ დღიდანვე, რომელ დღესაც შეუსრულდებათ 2 წელი. 

მიმდინარე სარეაბილიტაციო სამუშაოების გამო, ბავშვთა დარეგისტრირება შეუძლებელია N1, N11, N25 ფილიალში.

იხილეთ ასევე:

საბავშვო ბაღების ნაწილში რეგისტრაციის ვადები და ეტაპები ცნობილია - დოკუმენტები, რომელიც სკოლამდელი აღზრდის დაწესებულებაში უნდა წარადგინოთ

ბაღების თვითშეფასების პროცესისთვის განათლების სამინისტრომ შეხვედრები დაიწყო - „შედეგები გამოყენებული იქნება ბაღების შესაძლებლობების გაძლიერებისთვის საჭირო აქტივობების დასაგეგმად“