ყვარლის N1 და N3 საბავშვო ბაგა-ბაღში ჩატარდა აქტივობა, რომლის თემაც იყო მუსიკა საბავშვო ბაღში და მისი როლი ბავშვის ჰოლისტურ განვითარებაში.
როგორც ადგილობრივი სკოლამდელი აღზრდის დაწესებულებათა გაერთიანება იტყობინება, ორი განსხვავებული აქტივობა - „მოგზაურობა რიტმის სამყაროში“ და „დო-დან დომ-დე“, ერთ მიზანს ემსახურებოდა და მოიცავდა ბავშვის განვითარების ხუთივე სფეროს:
- ფიზიკური და სენსორული განვითარება
- სოციალურ-ემოციური განვითარება
- კომუნიკაციური უნარების განვითარება
- შემეცნებითი განვითარება
- დამოუკიდებლობა და ადაპტური ქცევის განვითარება
„მოგზაურობა რიტმის სამყაროში“ ყველაზე პატარებმა, 2-3 წლიანი ასაკობრივი ჯგუფის აღსაზრდელებმა დაიწყეს და დაგვანახეს, რომ ყველაზე მნიშვნელოვანი, განვითარების, ეტაპი მაგ ასაკიდან იწყება. მუსიკის, როგორც საუკეთესო თერაპიის დადებითი როლი, განსაკუთრებული საჭიროების მქონე ბავშვებშიც დაგვანახეს. „დო-დან დომ-დე“ აქტივობამ 5-6 წლიან ასაკობროვ ჯგუფში გამოავლინა ბავშვების მრავალმხრივი უნარების განვითარება და მზაობა სკოლისთვის... მსგავსი მუსიკალური აქტივობები დაგეგმილია მუნიციპალიტეტის ყველა საბავშვო ბაგა-ბაღში“, - ნათქვამია გაერთიანების მიერ გავრცელებულ ინფორმაციაში.
აქტივობებს ორივე საბავშვო ბაგა-ბაღში ყვარლის მუნიციპალიტეტის მერი, გივი ზაუტაშვილი საკრებულოს და სხვა სტრუქტურული ერთეულების წარმომადგენლებთან ერთად დაესწრო.
იხილეთ ასევე:
პოლონელმა მუსიკოსმა საბავშვო ბაღების მუსიკის მასწავლებლებს აქტივობები ასწავლა
