საერთაშორისო ასოციაცია „კივიტას გეორგიკა“ პოლონურ ორგანიზაციასთან ერთად, საქართველოს სკოლამდელი განათლების ეროვნულ ასოციაციასთან ერთად, ახორციელებს პროექტს - „თითოეული ბავშვისათვის - სკოლამდელი განათლების ადგილობრივი პოლიტიკის სისტემური მხარდაჭერა“.
პროექტის ფარგლებში გათვალისწინებულია საქართველოს 10 მუნიციპალიტეტის 80 საბავშვო ბაღის ტერიტორიის შეფასება საქართველოს სკოლამდელი განათლების ინფრასტრუქტურის სტანდარტთან შესაბამისობაში საბავშვო ბაღების ავტორიზაციის პროცესის მიხედვით.
ამჟამად, 15-16 მაისს, „ინჟინერ-სპეციალისტების“ ორდღიანი სამუშაო შეხვედრა მიმდინარეობს. შეხვედრაზე მონაწილეები ეცნობიან სკოლამდელი დაწესებულებების ინფრასტრუქტურის სტანდარტებს, ერთობლივად განიხილავენ და იმუშავებენ საბავშვო ბაღის ინფრასტრუქტურის შეფასების ინსტრუმენტს, დაგეგმავენ სამუშაო პროცესის რეალიზაციის მომდევნო ნაბიჯებს.
„საბავშვო ბაღების ტერიტორიების შეფასების შედეგად შეგროვდება მონაცემები. მომზადდება რეკომენდაციები, რაც მნიშვნელოვანი კომპონენტი იქნება საბავშვო ბაღების და ბაღების გაერთიანებებისათვის დასახმარებლად ავტორიზაციისთვის მზაობის პროცესში", - ნათქვამია „კივიტას გეორგიკას“ მიერ გავრცელებულ ინფორმაციაში.
იხილეთ ასევე:
აღმზრდელი: „საბავშო ბაღებში საშინელი ქაოსი და ხმაურია - აღარც ნერვები შეგვრჩა და აღარც ხალისი“
