ბაღდათის მუნიციპალიტეტში მასწავლებელთა პროფესიული განვითარების ეროვნული ცენტრისა და განათლების ხარისხის განვითარების ეროვნული ცენტრის მიერ ორგანიზებული ახალი სახელმძღვანელოს, „ადრეული განათლების კურიკულუმი-თამაშის“  დანერგვის სასწავლო ტრენინგები დაიწყო. სახელმძღვანელო 2-5 წლიანი ჯგუფებისთვის არის განკუთვნილი.

აღნიშნული ტრენინგების განსახორციელებლად, ბაღდათის მუნიციპალიტეტის სკოლამდელი დაწესებულებების გაერთიანებაში შეიქმნა 4 ჯგუფი:

1. ადმინისტრაცია
2. სამუშაო ჯგუფი
3. აღმზრდელების ჯგუფი
4. ინკლუზიური ტრენინგის აღმზრდელთა ჯგუფი

„ტრენინგები მიმდინარეობს „თიმსის“ პროგრამაში. პარალელურად მიმდინარეობს ოთხივე ჯგუფის ეტაპობრივი გადამზადება, რომელიც გაგრძელდება მიმდინარე წლის დეკემბრამდე“, - აღნიშნულია ბაღდათის მუნიციპალიტეტის სკოლამდელი და სკოლისგარეშე დაწესებულების მიერ გავრცელებულ ინფორმაციაში.

ბაღდათის მუნიციპალიტეტში 16 საბავშვო ბაღი ფუნქციონირებს, სადაც 670 აღსაზრდელი ირიცხება და 78 აღმზრდელი და აღმზრდელის თანაშემწე მუშაობს.

იხილეთ ასევე:

„რისთვის არსებობს ჩვენი ბაღი?“ - როგორ უნდა ჩამოაყალიბოს სკოლამდელმა დაწესებულებამ ახალი სტანდარტით საკუთარი მისია

რა უნდა ეწეროს საბავშვო ბაღის აღმზრდელის ხელშეკრულებაში