საბავშვო ბაღში უნდა არსებობდეს პერსონალის მართვის მარეგულირებელი დოკუმენტი, რომელიც ხელმისაწვდომი უნდა იყოს დაინტერესებული პირებისთვის, - ამის შესახებ „ადრეული აღზრდისა და განათლების ან/და სკოლამდელი აღზრდისა და განათლების დაწესებულების ავტორიზაციის სტანდარტების გზამკვლევშია“ აღნიშნული. ახალი დოკუმენტი, რომელიც 3 მაისს გამოქვეყნდა, განათლების ხარისხის განვითარების ეროვნულმა ცენტრმა შეიმუშავა.

საბავშვო ბაღებისთვის ახალი გზამკვლევი შემუშავდა - დეტალები

გზამკვლევის მიხედვით, სკოლამდელი აღზრდის დაწესებულებაში პერსონალის მართვის პროცესები უნდა ხორციელდებოდეს ხორციელდებოდეს მოქმედი კანონმდებლობისა და დაწესებულების მიერ დადგენილი წესების, მათ შორის შინაგანაწესის, შესაბამისად.

დაწესებულებას პერსონალის მართვის პროცედურები განსაზღვრული უნდა ჰქონდეს პერსონალის მართვის მარეგულირებელ დოკუმენტში, რომელიც რეკომენდებულია მოიცავდეს შემდეგ საკითხებს:

1. ადამიანური რესურსების დაგეგმვა

• დაწესებულების ორგანიზაციული სტრუქტურა/ორგანოგრამა;
• სტრუქტურული ერთეულების/პირების ფუნქციები, კომპეტენციები და სამუშაო აღწერილობები.

2. კვალიფიციური პერსონალის მოზიდვა, შერჩევა, დანიშვნა და მართვა

• პერსონალის მოზიდვა – (საძიებო სისტემების გამოყენება ან/და სხვა ალტერნატივა);
• პერსონალის შერჩევის პროცედურა (კონკურსი/პირდაპირი დანიშვნა/ორივე ალტერნატივა), შესაბამისი ეტაპები;
• პერსონალის დანიშვნა - შრომითი ხელშეკრულება (გამოსაცდელი ვადით, ვადიანი ან უვადო);
• პერსონალის დისციპლინარული პასუხისმგებლობა;
• პერსონალის განთავისუფლება;
• ახალი თანამშრომლების ინტეგრაცია სამუშაო გარემოსთან და მათი ეფექტურად ჩართვა სამუშაო პროცესში;
• თანამშრომლებს შორის კომუნიკაცია;
• ორგანიზაციული კულტურა.

3. პერსონალის შეფასება

• გამოსაცდელი ვადის პერიოდში (ასეთის არსებობის შემთხვევაში) თანამშრომლის შეფასება;
• პროფესიული განვითარების მიზნით პერსონალის საქმიანობის შეფასება;
• შესრულებული სამუშაოს შეფასება (მიზნების მიღწევადობა).

4. პერსონალის განვითარება

• პერსონალის საჭიროებათა მოკვლევა (დაკვირვება, საქმიანობის შეფასება, გამოკითხვა და სხვ);
• პერსონალის კმაყოფილების კვლევა (რეკომენდებულია იყოს ამ წესის ნაწილი);
• პერსონალის პროფესიული განვითარების გეგმის შედგენა და სხვ.); განვითარება (სხვადასხვა აქტივობების დაგეგმვა,
• პერსონალის წახალისება, მათ შორის პერსონალის განვითარებასთან დაკავშირებული ინიციატივების წახალისება.

5. საკადრო დოკუმენტაციის წარმოება

• მივლინება, შვებულება, საავადმყოფო ფურცელი და სხვა;
• პირადი საქმეების წარმოება და სხვა.

აღნიშნული პროცესების გაწერისას დაწესებულებამ უნდა იხელმძღვანელოს მოქმედი კანონმდებლობის საფუძველზე. პერსონალის მართვის მარეგულირებელი დოკუმენტი ხელმისაწვდომი და გაზიარებული უნდა იყოს დაინტერესებული პირებისთვის.

დაწესებულებაში პერსონალის მართვის პროცესებთან დაკავშირებული გარკვეული საკითხები შეიძლება დარეგულირებული იყოს შინაგანაწესითაც. აქედან გამომდინარე, მნიშვნელოვანია, რომ დაწესებულების შინაგანაწესი არ ეწინააღმდეგებოდეს აღნიშნულ დოკუმენტს, პერსონალთან გაფორმებულ ინდივიდუალურ ხელშეკრულებას, დაწესებულების სხვა მარეგულირებელ დოკუმენტაციასა და საქართველოს ორგანულ კანონს „საქართველოს შრომის კოდექსი“. დაწესებულებამ უნდა უზრუნველყოს პერსონალისთვის შინაგანაწესისა და მასში შეტანილი ნებისმიერი ცვლილების გაცნობა და გაცნობის ფაქტის მტკიცებულების არსებობა.

იხილეთ ასევე:

როგორ უნდა გადამოწმდეს ბაღის თანამშრომლების კვალიფიკაცია - ახალ დოკუმენტში გაწერილი დეტალები

აღმზრდელებისა და ძიძების საჭირო რაოდენობა, დასვენების დღეებში ნახევარგანაკვეთიანი ჯგუფები - რას ითხოვენ მშობლები საბავშვო ბაღებისგან