საბავშვო ბაღების საკონსულტაციო ცენტრის, „ქიდსოფისის“ ავტორობით, 2023 წლის თებერვალში საქართველოში პირველად ჩატარდა მშობლების მოლოდინების კვლევა საბავშვო ბაღების მიმართ.

კვლევა ჩატარდა ორი მიმართულებით:

1. მშობლის მოლოდინები ადრეული ზრუნვის ნაწილში
2. მშობლის მოლოდინები ადრეული და სკოლამდელი განათლების ნაწილში

ფოკუს-ჯგუფის მონაწილე დასაქმებული მშობლები ადრეული და სკლამდელი ზრუნვის ნაწილში, უკმაყოფილებას გამოთქვავენ საჯარო ბაღების სამუშო გრაფიკის მიმართ, ვინაიდან პიკის საათებში დიდ ქალაქებში უჭირთ გადაადგილება, ასევე საჯარო სამსახურის სამუშაო საათები თანაკეთაშია საჯარო ბაღის სამუშაო საათებთან, რაც ართულებს დედებისთვის დღის რუტინის დაგეგმვას.

კვლევის მიხედვით, დამატებითი სერვისები, რომლესაც მშობელბი ისურვებდნენ საბავშვო ბაღში არის:

1. შაბათ-კვირის ჯგუფები
2. სახელმწიფო დასვენების დღეებში ნახევარგანაკვეთიანი ჯგუფები
3. ტრანსპორტირების უზრუნველყოფა
4. ადრეული ინტერვენციის თერაპევტთან ან ბავშვთა ფსიქოლოგთან კონსულტირება
5. ფსიქოლოგის მხრიდან ინდივიდუალური დაკვირვება ბავშის განვითარებაზე
6. მშობლის ჩართულობა ბაღის აქტივობებში, მეტი გამჭვირვალობა

მშობლებისთვის მნიშვნელოვანია, ბაღის ადმინისტრაცია აკონტროლებდეს სურსათის უვნებლობას, აღმზრდელებისა და ძიძების რაოდენობა ისე იყოს განაწილებული, რომ შეძლონ მისი შვილისთვის საჭირო ზრუნვის გაღება, საბავშვო ბაღს სრულ განაკვეთზე დასაქმებული ჰყავდეს მენეჯერი, რომელთანაც შეძლებს უპრობლემიდ დაკავშირებას და ა.შ.

რაც შეეხება მოლოდინებს სკოლამდელი და ადრეული განათლების ნაწილში, მშობელთა უმრავლესობას უნდა, რომ მის შვილს საბავშვო ბაღში განუვითარდეს მეტყველება და კომუნიკაციის უნარები, სასკოლო მზაობის პროგრამის დასრულების შემდეგ იცოდეს სიტყვები ერთ უცხოურ ენაზე მაინც, ცნობდეს ქართულ ასოებს და იცოდეს კითხვა.

ყველა დეტალი აღნიშნული კვლევის შესახებ შეგიძლიათ, ნახოთ აქ მითითებულ ბმულზე: მშობლების მოლოდინების კვლევა საბავშვო ბაღების მიმართ.

იხილეთ ასევე:

ახალი დებულება - სკოლამდელი განათლების საბჭო თვეში ერთხელ განიხილავს შენიშვნებს, მოსაზრებებსა და რეკომენდაციებს

„5 წლის შევედი სკოლაში და მახსოვს, ტანით ყველაზე პატარა ვიყავი, თამაში მინდოდა“ - მშობლები სასკოლო ასაკზე