ქვეყნის სხვადასხვა მუნიციპალიტეტში არსებულ სკოლამდელი აღზრდის დაწესებულებებში სხვადასხვა ღონისძიებები ხორციელდება.
ამჯერად 6 მუნციპალიტეტის ამბებს გიამბობთ:
ლანჩხუთის საგანმანათლებლო სააღმზრდელო ცენტრის მიერ გავრცელებული ინფორმაციით, სურსათის ეროვნული სააგენტოს გურიის რეგიონული სამმართველოს მიერ განხორციელდა გეგმიური ინსპექტირება და შემოწმდა ქალაქისა და ოთხი სოფლის - ქვიანის, ჩოლობარგის, შუხუთის, მაჩხვარეთის საბავშვო ბაღები. შემოწმდა სანიტარულ-ჰიგიენური მდგომარეობა, სურსათის შენახვის ვადები, ეტიკეტირება, მიკვლევადობა. საბავშვო ბაღების ინსპექტირება გრძელდება.
ახალციხის სკოლამდელი აღზრდის დაწესებულებამ საბავშვო ბაღის სასკოლო მზაობის ჯგუფებისათვის გასაფერადებელი თაბაშირის ფიგურები შეიძინა.
ყვარლის მუნიციპალიტეტის მერი, გივი ზაუტაშვილი, ქალაქის მესამე საბავშვო ბაგა-ბაღში გამართულ ღონისძიებას დაესწრო. ღონისძიების - „მოგზაურობა რიტმის სამყაროში“, - მიზანს წარმოადგენდა თანამედროვე სტანდარტების გამოყენებით, სხვადასხვა ასაკობრივი ჯგუფის აღსაზრდელებში რიტმის უნარების განვითარება.
წალკის მუნიციპალიტეტის სკოლამდელი აღზრდის ცენტრში შემავალ საბავშვო ბაღებს სასწავლო-სააღმზრდელო რესურსები გადაეცათ.
ბორჯომის ბაღების გაერთიანების ხელმძღვანელი, ნინო ბენდელიანი თოჯინების თეატრის სამხატვრო ხელმძღვანელის წარმომადგენელთან ურთიერთანამშრომლობის მიზნით მოლაპარაკებას აწარმოებს. საბლოო გადაწყვეტილება კი მუნიციპალიტეტის მერიამ უნდა მიიღოს.
წყალტუბოს მუნიციპალიტეტის საბავშვო ბაღების გაერთიანებაში შემავალ ყველა საბავშვო ბაღს საკანცელარიო ნივთები გადაეცა.
იხილეთ ასევე:
რომელ საბავშვო ბაღებშია დაგეგმილი აღმზრდელ-პედაგოგთა კორპუსის ჩანაცვლება ახალგაზრდა კადრებით
