როგორც განათლების ხარისხის ეროვნული ცენტრი იუწყება, შემუშავებულმა გზამკვლევმა ვალიდაცია გაიარა ადრეული ან/და სკოლამდელი აღზრდისა და განათლების დაწესებულებების ავტორიზაციის პროცესის განხორციელების უზრუნველსაყოფად შექმნილ საკოორდინაციო ჯგუფთან, რომელთა წევრები წარმოდგენილი არიან საქართველოს განათლებისა და მეცნიერების სამინისტროდან, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროდან, საქართველოს ეკონომიკისა და მდგრადი განვითარების სამინისტროდან, სსიპ სურსათის ეროვნული სააგენტოდან, ადრეული ან/და სკოლამდელი აღზრდისა და განათლების მიმართულებით მომუშავე სამოქალაქო (არასამთავრობო) სექტორისა და საერთაშორისო ორგანიზაციის/პროექტების, დარგობრივი ასოციაციებისა და კერძო ბაგა-ბაღების ასოციაციის წარმომადგენლებისგან.

საკოორდინაციო ჯგუფის წევრთა მოსაზრებები ასახული და გათვალისწინებული იქნა გზამკვლევში. გზამკვლევი განკუთვნილია დაწესებულებებისთვის, მუნიციპალიტეტებისთვის, დაწესებულებების გაერთიანებებისთვის, ავტორიზაციის ექსპერტთა კორპუსის წევრებისთვის, ავტორიზაციის საბჭოს წევრებისთვის და ადრეული და სკოლამდელი აღზრდისა და განათლების ხარისხის უზრუნველყოფის საკითხებით დაინტერესებული პირებისთვის.

გზამკვლევში აღწერილია ადრეული აღზრდისა და განათლების ან/და სკოლამდელი აღზრდისა და განათლების დაწესებულებების ავტორიზაციის სტანდარტები, თითოეულ სტანდარტში შემავალი კომპონენტები, ინდიკატორები, მათი მიღწევისა და შესრულების გზები.

თითოეული ინდიკატორის მიხედვით მოცემულია თუ რა სავალდებულო მოთხოვნების შესრულებას ავალდებულებს კანონმდებლობა დაწესებულებებს და როგორია აღნიშნული მოთხოვნების შესრულების ალტერნატიული გზები.

გზამკვლევი შეგიძლიათ, იხილოთ აქ მითითებულ ბმულზე - „ადრეული აღზრდისა და განათლების ან/და სკოლამდელი აღზრდისა და განათლების დაწესებულების ავტორიზაციის სტანდარტების გზამკვლევი“

იხილეთ ასევე: 

საბავშვო ბაღებს ავტორიზაციის სტანდარტების გზამკვლევი დაურიგდება - 2 200 წიგნი დასაბეჭდად მზად არის

ახალი დებულება - სკოლამდელი განათლების საბჭო თვეში ერთხელ განიხილავს შენიშვნებს, მოსაზრებებსა და რეკომენდაციებს

რამდენი პოზიცია არსებობს საბავშვო ბაღებში