საბავშვო ბაგა-ბაღის საგანმანათლებლო პროგრამების კოორდინატორი/მეთოდისტი ერთ-ერთი პოზიციაა საბავშვო ბაღებში.

თბილისის საბავშვო ბაგა-ბაღების სააგენტოს საკვალიფიკაციო მოთხოვნებში გაწერილია რა ფუნქციები აქვს ბაღის მეთოდისტს, რა განათლება უნდა ჰქონდეს და რომელი საკანონმდებლო აქტები უნდა იცოდეს.

საბავშვო ბაღის მეთოდისტის ფუნქციებია:

1. კოორდინაცია უნდა გაუწიოს აღმზრდელის, აღმზრდელის თანაშემწის და მუსიკის პედაგოგის საქმიანობას;
2. ჩართული უნდა იყოს სააღმზრდელო მეთოდოლოგიის განხორციელების პროცესში თითოეულ ჯგუფში და მათ აძლევდეს რეკომედაციებს;
3. სააღმზრდელო დაწესებულების დირექტორს უნდა მიაწოდოს ინფორმაცია თითოეული აღსაზრდელის ინდივიდუალური საჭიროებების შესაბამისად ოთახების სივრცეებად დაყოფასა და სხვა მინიშნება-სიმბოლოების განთავსების შესახებ;

მინიმალური განათლება: 

უმაღლესი განთლება ან პროფესიული პედაგოგიური განათლება

სამუშაო გამოცდილება:      

შესაბამის სფეროში 3 წლიანი გამოცდილება.

საბავშვო ბაღის მეთოდისტს მოეთხოვება შემდეგი საკანონმდებლო აქტების ცოდნა:

1. საქართველოს კონსტიტუცია (1, 2 თავი);
2. საქართველოს კანონი - „ადრეული და სკოლამდელი აღზრდისა და განათლების შესახებ“
3. საქართველოს მთავრობის №488 დადგენილება - ადრეული და სკოლამდელი აღზრდისა და განათლების სახელმწიფო სტანდარტი;
4. საქართველოს მთავრობის №437 დადგენილება - „ბავშვთა დაცვის მიმართვიანობის (რეფერირების) პროცედურების დამტკიცების თაობაზე“;
5. მთავრობის დადგენილება №478 – „აღმზრდელ-პედაგოგის პროფესიული სტანდარტის დამტკიცების შესახებ“;
6. ადრეულ ასაკში სწავლისა და განვითარების სტანდარტები (ეროვნული სასწავლო გეგმების ბიბლიოთეკა 2013);
7. ბავშვის განვითარების თეორიები - კოგნიტური და მეტყველების სფეროს განვითარება, პიროვნულ- სოციალურ -ემოციური განვითარება, ფიზიკური განვითარება (შესაძლო წყაროები: ლორა ბერკი -„ბავშვის განვითარება“,ილიას სახელმწიფო უნივერსიტეტის გამოცემა 2010; საბავშვო ბაღის აღმზრდელის დამხმარე სახელმძღვანელო; ეროვნული სასწავლო გეგმების ცენტრი 2011);
8. ადრეული განათლების ფსიქოლოგია (შესაძლო წყაროები: ანიტა ვულფოლკი, ილიას სახელმწიფო უნივერსიტეტის გამოცემა, თბილისი 2009; საბავშვო ბაღის აღმზრდელის დამხმარე სახელმძღვანელო; ეროვნული სასწავლო გეგმების ცენტრი 2011);
9. ქ.თბილისის მთავრობის დადგენილება N13-52 „ქალაქ თბილისის მუნიციპალიტეტში ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და სასკოლო მზაობის პროგრამის განმახორციელებელი დაწესებულების პერსონალისთვის სამსახურეობრივი ინსტრუქციების, ქცევის და ეთიკის ნორმების დამტკიცების შესახებ“;
10. გაეროს „ბავშვთა უფლებათა კონვენცია“.

კომპიუტერული პროგრამები, ოპერაციული პროგრამების ცოდნა:

 Microsoft Office Word - კარგი

Microsoft Office Excel - კარგი

Microsoft Office PowerPoint - კარგი

იხილეთ ასევე:

სად და როგორ უნდა წარადგინოთ დოკუმენტაცია, თუ საბავშვო ბაღში მუშაობის დაწყება გსურთ

საკანონმდებლო აქტები, რომლის ცოდნაც საბავშვო ბაღების მუსიკისა და ცეკვის პედაგოგებს ევალებათ