თბილისის საბავშვო ბაგა-ბაღების მართვის სააგენტოს ახალი ხელმძღვანელი, გოგი ჩიქოვანი დედამიწის დღესთან დაკავშირებით, N199 საბავშვო ბაგა-ბაღში გამწვანების აქციაში ჩაერთო.

თემატური აქტივობა, რომელიც მეთოდოლოგიით არის გათვალისწინებული, ბაღის აღსაზრდელების მშობლებთან ერთად დაიგეგმა. პატარებმა მშობლებთან და სტუმრებთან ერთად „ირმის რქის“, ვაზისა და ყვავილების 50-მდე ნერგი დარგეს.

როგორც თბილისის საბავშვო ბაგა-ბაღების სააგენტო იუწყება, N199 ბაგა-ბაღ „ხუთკუნჭულაში“ ყოველწლიურად იმართება გამწვანების აქციები მშობლებისა და აღსაზრდელების მონაწილეობით, რომელსაც, ამჯერად, სააგენტოს ხელმძღვანელი, მოადგილესთან და საბურთალოს რაიონის გამგეობის წარმომადგენელთან ერთად შეუერთდა.

ღონისძიების დასრულების შემდეგ, გოგი ჩიქოვანმა ბაგა-ბაღის ინფრასტრუქტურა დაათვალიერა და პერსონალსაც გაეცნო.

იხილეთ ასევე:

რაზე ოცნებობს თბილისში საბავშვო ბაღის ერთადერთი მამაკაცი დირექტორი - „მინდა, გვქონდეს დიდი ზომის მანქანები, ტრაქტორები, ვეფხვები და ლომები“

ბაგა-ბაღების სააგენტოს ახალმა ხელმძღვანელმა დირექტორებთან გამოწვევებზე საუბარი დაიწყო