მუნიციპალური განვითარების ფონდი საბავშვო ბაღების მშენებლობისთვის ტენდერების გამოცხადებას განაგრძობს. როგორც ცნობილის, ქვეყანაში სულ 330 ახალი საბავშვო ბაღი უნდა აშენდეს.

ამჯერად, ტენდერები 10 მუნიციპალიტეტში ასაშენებელი საბავშვო ბაღებისთის გამოცხადდა.

საბავშვო ბაღები აშენდება:

დმანისის მუნიციპალიტეტის სოფელ ირგანჩაიში და ამამლოში. ეს იქნება 125-125 ბავშვზე გათვლილი საბავშვო ბაღები, რომელიც ქვეყანას, სავარაუდოდ, 6 921 880 ლარი დაუჯდება.

ქალაქ რუსთავში 300 ბავშვზე გათვლილი საბავშვო ბაღის მშენებლობისათვის დაახლოებით 6 200 000 ლარი უნდა დაიხარჯოს.

ბოლნისის მუნიციპალიტეტის დაბა კაზრეთში 300 ბავშვზე გათვლილი საბავშვო ბაღის მშენებლობის სავარაუდო ღირებულება ასევე  6 200 000 ლარი იქნება.

მარნეულის მუნიციპალიტეტის ქალაქ მარნეულში, სოფელ წერეთელში და სოფელ შულავერში 180-180 ბავშვზე გათვლილი საბავშვო ბაღების მშენებლობისთვის 12 000 000 ლარი დაიხარჯება.

გორის მუნიციპალიტეტის სოფელ ზერტში 200 ბავშვზე გათვლილი საბავშვო ბაღის მშენებლობის სავარაუდო ღირებულებაა კი 4 500 000 ლარი იქნება.

ხაშურის მუნიციპალიტეტის სოფელ სურამში ასევე 200 ბავშვზე გათვლილი საბავშვო ბაღი აშენდება და ქვეყანას ისიც დაახლოებით 4 500 000 ლარი დაუჯდება.

ქალაქ ამბროლაურშიც 200 ბავშვზე გათვლილი საბავშვო ბაღის მშენებლობა იგეგმება 4 500 000 ლარის ფარგლებში.

გარდაბანის მუნიციპალიტეტის სოფელ სართიჭალასა და მარტყოფში 150-150 ბავშვზე გათვლილი საბავშვო ბაღები 7 600 000-მდე დაჯდება.

ქალაქ ნინოწმინდაში 150 ბავშვზე გათვლილი საბავშვო ბაღის მშენებლობისთვის კი 3 800 000 ლარი გამოიყოფა.

ბოლნისის მუნიციპალიტეტში სოფელ მამხუთში 150 ბავშვზე გათვლილი საბავშვო ბაღის მშენებლობისთვის ასევე 3 800 000 ლარი გამოიყოფა.

იხილეთ ასევე:

სად აშენდება 30 საბავშვო ბაღი - ახალი ტენდერი 17 მუნიციპალიტეტისთვის გამოცხადდა

„ბავშვები რთულ პირობებში იზრდებიან“ - ირაკლი ღარიბაშვილი