ქვეყნის სხვადასხვა მუნიციპალიტეტებში საბავშვო ბაღების გაერთიანებები და სააღმზრდელო ცენტრები სკოლამდელი აღზრდის დაწესებულებებში, პერიოდულად, მონიტორინგს ატარებენ. ამჯერად შემოწმება ბათუმსა და ლანჩხუთში შედგა.

როგორც ბათუმის საბავშვო ბაღების გაერთიანება იუწყება, მონიტორინგის ჯგუფის წევრებმა კვების საკითხებში მუნიციპალურ საბავშვო ბაღებში შემთხვევით - შერჩევითობის მეთოდით, კვარტალური შემოწმების საფუზველზე შევიდნენ და საკვები პროდუქტების ნიმუშები აიღეს.

„შედგა ნიმუშების აღების აქტი, რომელსაც ესწრებოდა მომწოდებლები და საბავშვო ბაღების გაერთიანების ოფიციალური პირები დარგის სპეციალისტებთან ერთად", - აცხადებს ბათუმის საბავშვო ბაღების გაერთიანება.

ლანჩხუთში, სკოლამდელი საგანმანათლებლო სააღმზრდელო ცენტრის მონიტორინგის ჯგუფმა სოფელ წყალწმინდის საბავშვო ბაღი შეამოწმა. შემოწმდა სამზარეულო ბლოკი, სანიტარული და ჰიგიენური წერტილები, მეთოდური, სააღმზრდელო და ინფრასტრუქტურული მიმართულებები. მონიტორინგის ჯგუფმა შესაბამისი რეკომენდაციებიც გასცა.