სკოლამდელ სააღმზრდელო დაწესებულებაში ყოფნა პატარებისთვის რომ სასიამოვნო და სახალისო იყოს, საჭიროა, აღმზრდელმა მათ საბავშვო ბაღის შესახებ ესაუბროს და მთელი დღის აქტივობა მხოლოდ ამ თემას დაუთმოს.

ბაგა-ბაღების სააღმზრდელო პროგრამაში საბავშო ბაღის თემასთან დაკავშირებით რეკომენდაციებია მოცემული, რომლის მიხედვითაც, აღმზრდელმა დილითვე უნდა უთხარას ბავშვებს, რომ იმ დღის თემა საბავშვო ბაღია.

აღნიშნული აქტივობა ასე შეძლება განავითაროთ:

დილის წრე

• უთხარით ბავშვებს, რომ დღევანდელი დღის თემა საბავშვო ბაღია.

• სთხოვეთ ბავშვებს, ჩამოთვალონ, რას აკეთებენ ბაღში ხალისით და რას – უხალისოდ.

• გაიხსენონ ბავშვებმა, რას ფიქრობდნენ ბაღზე, სანამ მოვიდოდნენ. როგორი იყო ბაღის პირველი დღეები მათთვის.

ხელოვნება

• წინასწარ დაბეჭდეთ ბაღის ფოტოები - ოთახების, ეზოს და შემდეგ დაათვალიერებინეთ ბავშვებს და მათ მიერ არჩეული ფოტოებით დაამზადეთ ფოტოკოლაჟი მათივე კომენტარებით.

• წიგნი: „ჩემი ბაღი“. წაახალისეთ ბავშვები, დახატონ ბაღის სხვადასხვა ადგილები - სამზარეულო, მუსიკის ოთახი, ეზო. აკინძეთ წიგნი, გაუკეთეთ კომენტარები ბავშვების კარნახით, რატომ აირჩია ეს ადგილი დასახატად, რატომ მოსწონს ან არ მოსწონს.

კულინარია

• წაიყვანეთ ბავშვები ბაღის სამზარეულოში, გააცანით მზარეულები და აჩვენეთ, როგორ მზადდება მათთვის საკვები.

სამაგიდო

• გამოჭერით ნახატები, გაუკეთეთ ლამინირება. სთხოვეთ ბავშვებს, თანმიმდევრულად დაალაგონ ბარათები.

წიგნიერება/მეტყველება

• უთხარით, რომ ხანდახან ერთსა და იმავე სიტყვას სხვადასხვა მნიშვნელობა აქვს. მაგალითად, „ბაღს“.

კონსტრუქციული

• მოიმარაგეთ მუყაოს ცარიელი ყუთები. ბავშვები დაყავით 5 პირისგან შემდგარ ჯგუფებად. ცალკეულმა ჯგუფებმა მუყაოს ყუთისა და სხვადასხვა მასალებით - კუბები, პატარა კაცუნები, ქაღალდები, ნაჭრები, - ააშენონ საბავშვო ბაღი და მოაწყონ.

საღამოს წრე

• ჰკითხეთ, რომელი საქმიანობა მოეწონათ დღეს?

• თავად რომ იყვნენ დიდები, რად იმუშავებდნენ ბაღში?

იხილეთ ასევე:

„არ მიიყვანოთ ბავშვი ასეთ ბაღში“ - „ველური მეთოდები“ და პროგრამაში გაწერილი რჩევები

როგორი წიგნები უნდა წაუკითხოთ სკოლამდელი ასაკის ბავშვებს - ჩამონათვალი

აღმზრდელს შეუძლია ბავშვს გადაუღოს ვიდეო და ამის მიხედვით აწარმოოს დაკვირვება მასზეც და საკუთარ თავზეც