„აღმზრდელ-პედაგოგთა პროფესიული განვითარების ტრენინგ-მოდულში“, რომლის მიზანი აღმზრდელ-პედაგოგთა გადამზადება და პროფესიული განვითარება, მოცემულია იმ ტერმინთა განმარტება, რომელიც ამ ტრენინგის გავლის დროს უნდა იცოდნენ.
ტერმინთა განმარტება
ტრენინგ-მოდული – „ადრეული და სკოლამდელი აღზრდისა და განათლების შესახებ“ საქართველოს კანონის საფუძველზე საქართველოს განათლების, მეცნიერების, კულტურისა და სპორტის სამინისტროს მიერ შემუშავებული ტრენინგ-მოდული, რომელიც ითვალისწინებს აღმზრდელ-პედაგოგთა გადამზადებისა და პროფესიული განვითარების სავალდებულო ეტაპს;
საკონტაქტო საათი – სააუდიტორო მეცადინეობებისთვის განკუთვნილი საათების რაოდენობა;
არასაკონტაქტო საათი – ტრენინგ-მოდულის განხორციელების პროცესში მონაწილის დამოუკიდებელი მუშაობისთვის განკუთვნილი დრო, რომელიც ეთმობა მიცემული დავალებების შესრულებას, საკითხავი მასალის დამუშავებასა და დამოუკიდებელ პრაქტიკას;
ტრენინგ-მოდულის მიმწოდებელი – საჯარო სამართლის იურიდიული პირი – მასწავლებელთა პროფესიული განვითარების ეროვნული ცენტრი ან ის ორგანიზაციები, რომელთაც მოპოვებული აქვთ აღნიშნული მოდულის ჩატარების უფლება;
ტრენინგ-მოდულის სერტიფიკატი – დოკუმენტი, რომელიც გაიცემა ტრენინგ-მოდულის მიმწოდებლის მიერ აღმზრდელ-პედაგოგთა პროფესიული განვითარების ტრენინგ-მოდულის წარმატებით გავლის შემთხვევაში და წარმოადგენს აღმზრდელ-პედაგოგად დასაქმების აუცილებელ პირობას;
ტრენერი – პირი, რომელსაც წარმატებით აქვს გავლილი ცენტრის დირექტორის ინდივიდუალურ სამართლებრივი აქტით დამტკიცებული აღმზრდელ-პედაგოგთა პროფესიული განვითარების ტრენერთა ტრენინგი.
იხილეთ ასევე:
18 ტერმინი და მათი განმარტება საბავშვო ბაღის აღმზრდელებისთვის
