სკოლამდელი ასაკი ბავშვის განვითარების ციკლის უმნიშვნელოვანეს პერიოდს წარმოადგენს. ამ დროს ყალიბდება ყველა ის ძირითადი უნარი, რომელთაც შემდგომში ბავშვი გამოიყენებს როგორც სკოლაში, ასევე, ზოგადად, მთელი ცხოვრების განმავლობაში.
სასკოლო მზაობის პროგრამა წარმოადგენს სახლისა და სკოლის უმნიშვნელოვანეს დამაკავშირებელ რგოლს, რომელმაც ხელი უნდა შეუწყოს ბავშვების წარმატებულ გადასვლას ნაკლებად ფორმალური გარემოდან, ოჯახიდან და საბავშვო ბაღიდან, შედარებით ფორმალურ გარემოში, - წერია საქართველოს განათლებისა და მეცნიერების სამინისტროსა და გაეროს ბავშვთა ფონდის მიერ ბაღის აღმზრდელებისთვის მომზადებულ სასკოლო მზაობის პროგრამაში, სადაც გაწერილია სასკოლო მზაობის პროგრამის ძირითადი მიზნები, რომელიც ბაღების აღმზრდელებმა უნდა გაითვალისწინონ.
სასკოლო მზაობის პროგრამის ძირითადი მიზნები:
- განუვითაროს ბავშვს მომავალი ცხოვრებისათვის, წარმატებულ მოქალაქედ ფორმირებისათვის, მეგობრებსა და ოჯახის წევრებთან პოზიტიური ურთიერთობების ჩამოყალიბებისათვის საჭირო უნარები;
- დაეხმაროს ბავშვს საუკეთესო არჩევანის გაკეთებასა და ახალ გამოწვევებთან გამკლავებაში, კრიტიკული და შემოქმედებითი აზროვნების განვითარებაში;
- ხელი შეუწყოს ბავშვის ფიზიკურ და ემოციურ სიჯანსაღეს;
- მოამზადოს ბავშვი პირველი კლასის მოსწავლის მიმართ არსებული მოლოდინებისა და გამოწვევებისათვის;
- შეუქმნას ბავშვს პოზიტიური განწყობა სწავლისადმი.
იხილეთ ასევე:
პირველკლასელთა რეგისტრაციის ვადები და ეტაპები - დეტალები
საბავშვო ბაღების კურიკულუმი, ინდიკატორები და განხორციელების სქემა ახალი სტანდარტით
