ამბროლაურის მუნიციპალიტეტის საბავშვო ბაღებში სააღმზრდელო პროცესი შეწყვეტილია. 

ამბროლაურის სკოლამდელი სააღმზრდელო დაწესებულება მშობელებს აფრთხილებს, რომ სკოლამდელი დაწესებულებები 27 თებერვლამდე დაკეტილი იქნება.

„მშობელთათა საყურადღებოდ... დიდთოვლობისა და რთული მეტეოროლოგიური პირობების გამო, ა(ა)იპ ამბროლაურის სკოლამდელი სააღმზრდელო დაწესებულების საბავშვო ბაღები წყვეტს სასწავლო სააღმზრდელო პროცესს, 27თებერვლამდე. გისურვებთ წარმატებებს", - იუწყება სააღმზრდელო დაწესებულება.

skolamdelebi.ge-ს ინფორმაციით, უკვე ოთხი დღეა, ამბროლაურის მუნიციპალიტეტში, დიდთოვლობის გამო, სოფლების ნაწილი მთლიანად იზოლირებულია გარე სამყაროსგან - გზები გასაწმენდია და დენი არ მიეწოდებათ.