სენაკის მუნიციპალიტეტში მდებარე ბაგა-ბაღებში პროექტი - „წიგნის დრო - სტუმრად ზღაპრის სამყაროში“, ხორციელდება.
როგორც სენაკის სკოლამდელი აღზრდის გაერთიანება იტყობინება, პროექტის მიზანია პატარებისათვის წიგნის სიყვარულის ჩანერგვა, ქართული ხალხური და მსოფლიოს სხვადასხვა ქვეყნის ზღაპრის გმირების გაცნობა, მათ მიერ საკუთარი აზრის გამოთქმა და დამოკიდებულება საყვარელი პერსონაჟების მიმართ. ასევე, მათი განსახიერება, დახატვა თუ გამოძერწვა...
აღნიშნულ პროექტში ჩართულნი არიან მუნიციპალიტეტის ცნობილი ადამიანები, გაერთიანების თანამშრომლები, სკოლის პედაგოგები, ბიბლიოთეკარები, საეკლესიო პირები...
სოფელ ნოსირის საბავშვო ბაღის სასკოლო მზაობის ჯგუფის აღსაზრდელებთან ჩატარებულ აქტივობას მოწვეული სტუმრის სტატუსით გაერთიანების დირექტორი, ალექსანდრე ჯანჯღავა, ესწრებოდა, რომელმაც აღსაზრდელებს ზღაპარი წაუკითხა და მათთან ერთად მიიღო მონაწილეობა მხიარულ ატქივობაში. ბოლოს კი პატარები საჩუქრად ლამაზად გაფორმებული ზღაპრების წიგნითა და ტკბილეულით დაასაჩუქრა.
იხილეთ ასევე:
„მამები კითხულობენ ზღაპარს“ – პროექტი საბავშვო ბაღებში მშობლების ჩართულობით
