საბავშვო ბაგა-ბაღის  ჯანმრთელობისა და ჰიგიენური უზრუნველყოფის კოორდინატორი, ექთანი - ამ პოზიციაზე საბავშვო ბაღში იმ შემთხვევაში შეიძლება დასაქმდეთ თუ იცით შემდეგი საკანონმდებლო აქტები:

1. საქართველოს მთავრობის №485 დადგენილება - ტექნიკური რეგლამენტის - „ადრეული და სკოლამდელი აღზრდისა და განათლების დაწესებულებების სანიტარული და ჰიგიენური ნორმების დამტკიცების შესახებ“;

2. საქართველოს მთავრობის №487 დადგენილება ტექნიკური რეგლამენტი −„ადრეული და სკოლამდელი აღზრდისა და განათლების დაწესებულებებში კვების ორგანიზებისა და რაციონის კვებითი ღირებულების ნორმების“ დამტკიცების შესახებ;

3. საქართველოს მთავრობის №437 დადგენილება - „ბავშვთა დაცვის მიმართვიანობის (რეფერირების) პროცედურების დამტკიცების თაობაზე“;

4. ქ.თბილისის მთავრობის დადგენილება N13-52 - „ქალაქ თბილისის მუნიციპალიტეტში ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და სასკოლო მზაობის პროგრამის განმახორციელებელი დაწესებულების პერსონალისთვის სამსახურეობრივი ინსტრუქციების, ქცევის და ეთიკის ნორმების დამტკიცების შესახებ“.

თბილისის საბავშვო ბაგა-ბაღების სააგენტოს საკვალიფიკაციო მოთხოვნებში ჩამოთვლილი აქვს ასევე ის ფუნქცია-მოვალეობები, რაც ექთანს საბავშვო ბაღში ევალება.

ფუნქციები

ბაღის ჰიგიენური უზრუნველყოფის კოორდინატორის, ექთანის მოვალეობაა:

1. ბაღის თანამშრომლებისა და აღსაზრდელების სანიტარულ-ჰიგიენური ნორმების დაცვა.

2. ზედამხედველობა გაუწიოს ბავშვის ჯანმრთელობას და ჯანმრთელობის უეცარი გაუარესების  შემთხვევაში დაეხმაროს.

3. ზედამხედველობა გაუწიოს ბავშვის სახლიდან მოტანილი პრეპარატის მიღებას.

4. უსაფრთხოების მიზნით, საკვების მომზადების შემდეგ, აიღოს  სინჯები თითოეული მათგანიდან.

5. დაიცვას კონფიდენციალურობა აღსაზრდელისა და  მშობლის შესახებ.

ბაღის ექთნად დასაქმებისთვის, პირს უნდა ჰქონდეს მინიმალური პროფესიული განათლება სამედიცინო სფეროში და ასევე, სასურველია, სამედიცინო სფეროში მინიმუმ 1 წლიანი გამოცდილება.

იხილეთ ასევე:

საბავშვო ბაღის ფსიქოლოგის ხელფასი, განათლება და მოვალეობები

რა განათლება უნდა გქონდეთ, რომ საბავშვო ბაღში აღმზრდელად დასაქმდეთ