სკოლამდელი აღზრდის დაწესებულებებისათვის განკუთვნილ განმავითარებელი და შემოქმედებითი აქტივობების კრებულში მოცემულია მითითებები, თუ როგორ შეგიძლიათ, პატარებთან ერთად ფანქრებისა და საღებავების გარეშე დახატოთ.
ხატვისთვის დაგჭირდებათ: ქვიშა, ბურღულეული ან ფქვილი.
აქტივობის აღწერა:
თეფშზე ან სინზე დავყაროთ ქვიშა ან ნებისმიერი სახის ბურღული ან ფქვილი და ვაჩვენოთ ბავშვს, როგორ შეიძლება მასზე დახატვა თითით. შეგვიძლია, შევქმნათ ნებისმიერი სახის ნახატი.
დაიწყეთ მარტივი ფიგურების შექმნით. მაგალითად: მზე, ვაშლი, სახლი და ა.შ. შემდეგ ეტაპზე შეგიძლიათ გადახვიდეთ გეომეტრიული ფიგურების, ციფრების ან ასოების წერაზე. ბავშვის შესაძლებლობიდან გამომდინარე, შეგვიძლია დავეხმაროთ ხელის ხელზე მოკიდებით ან ვხატოთ ერთობლივად. მაგალითად, მზე დახატოთ თქვენ, სხივები კი დაუხატოს ბავშვმა.
აღნიშნული აქტივობით ვითარდება შემდეგი უნარები:
- ნატიფი მოტორული უნარები
- ვიზუალურ-მოტორული უნარები
- წერის უნარი
იხილეთ ასევე:
