მოგეხსენებათ, ბავშვის ზრდისა და განვითარებისთვის მნიშვნელოვანია ჯანსაღი კვება. გთავაზობთ სამედიცინო სამსახურის, „მრჩეველის“ მიერ ჯანსაღი კვების ძირითადი პრინციპებით შექმნილ სახელმძღვანელოში მოცემულ ბროკოლის სუპ-პიურეს რეცეპტს.
ინგრედიენტები 8-10 ულუფისთვის:
- 5 ნაჭერი გახუხული პური - სასურველია დაუცეხვავი
- ზეთი – 1 სუფრის კოვზი
- ნიორი – 3-4 კბილი, დაჭყლეტილი
- ხახვი – 1 დიდი თავი, დაჭრილი
- 2 დიდი კარტოფილი, გათლილი, დაჭრილი
- 2 ლიტრი წყალი
- 1200 გრამი ბროკოლი, ნაწილებად დაჭრილი ყვავილედები
- 1/2 ჭიქა ქინძი, დაჭრილი
- 1/2 ჭიქა - 150 გრამი დაბალი ცხიმიანობის არაჟანი
მომზადების წესი
დიდ ტაფაზე ან სქელძირიან ქვაბში დაასხით 1 სუფრის კოვზი ზეთი, დააყარეთ ხახვი, შუშეთ დაახლოებით 5 წუთს, დარბილებამდე - არ უნდა გახდეს ოქროსფერი. დაამატეთ ნიორი და შუშეთ კიდევ 30 წამს. დაამატეთ კარტოფილი და წყალი. წამოდუღების შემდეგ, დაბალ ცეცხლზე ხარშეთ 10 წუთს. შემდეგ ჩაყარეთ ბროკოლი და ხარშეთ 5-10 წუთს, დარბილებამდე. გამორთეთ ცეცხლი და ჩაამატეთ მწვანილი. მიღებული სუპი დააბლენდერეთ ერთგვაროვანი მასის მიღებამდე. ულუფები ამოიღეთ ჯამებში და მორთეთ არაჟნითა და გახუხული პურით.
იხილეთ ასევე:
როგორ ამოვიცნოთ ბავშვებში ჯანსაღი და არაჯანსაღი კვებითი ჩვევები - რეკომენდაციები
