„გარემონტდა საძინებელი ოთახები, გამოიცვალა ფანჯრები, HACCP-ის სტანდარტებთან შესაბამისობაში იქნა მოყვანილი საბავშვო ბაღების სამზარეულო ოთახი და აღჭურვილობა, საბავშვო ბაღების შენობის ჭერსა და დერეფანს ჩუტარდა რეაბილიტაცია, გამოიცვალა იატაკი“, - იტყობინება ზუგდიდის სკოლამდელ სააღმზრდელო დაწესებულებათა მართვის ცენტრი მუნიციპალიტეტის ორი სოფლის საბავშვო ბაღის შესახებ. სოფლების, ყულიშკარისა და ჩხორიას აღსაზრდელებს რეაბილიტირებული ბაღები საშობაო არდადეგების შემდეგ, 16 იანვარს დაახვედრეს.
მცხეთის მუნიციპალიტეტის სოფლებში, ძველ ქანდასა და ვაზიანში კი ახალი საბავშვო ბაღები გაიხსნა. როგორც მცხეთის მუნიციპალიტეტის მერიის მიერ გავრცელებულ ინფორმაციაშია ნათქვამი, სკოლამდელი აღზრდის დაწესებულებები სრულად აკმაყოფილებს თანამედროვე სტანდარტებს. ორივე შენობა ადაპტირებულია შშმ პირთათვის, ასევე, აღჭურვილია შესაბამისი ინვენტარით.
აღსანიშნავია, რომ ძველ ქანდასა და ვაზიანში სკოლამდელი აღზრდის დაწესებულებები ამ დრომდე არ არსებობდა. 16 იანვარს კი პატარებმა უსაფრთხო და კომფორტულ გარემოში დაიწყეს სიარული.
იხილეთ ასევე:
