ბისკვიტიანი ნამცხვარი - ბარნის მსგავსი, შოკოლადის დრაჟე - M&M-ის მსგავსი, შოკოლადი კარამელითა და ნუგით - სნიკერსის მსგავსი, რძიანი შოკოლადი - ბარამბინოს მსგავსი, ორცხობილა - იუველერნოეს მსგავსი, შოკოლადის ფილა - წონა არანაკლებ 80 გრ, ორცხობილა კრემით - ორეოს მსგავსი, რძიანი შოკოლადი - ჰერი-ჰერის მსგავსი, ფენოვანი ფუნთუშა - კრუასანის მსგავსი - აღნიშნული ტბილეული ქედის მუნიციპალიტეტის საბავშო ბაღის აღსაზრდელების საახალწლო კალათებში იქნება მოთავსებული.
ქედის ბაგა-ბაღების გაერთიანებამ ბავშვებისთვის საახალწლო ტკბილეულის შესყიდვისთვის ტენდერი 21 ნოემბერს გამოაცხადა.
ქედის მუნიციპალიტეტში 15 საბავშვო ბაღია, სადაც 502 აღსაზრდელი ირიცხება.
„თითოეული საახალწლო სასაჩუქრე ნობათი უნდა მოთავსდეს მუყაოს მაღალი ხარისხის ჩანთაში, ჩანთის ძირი უნდა იყოს მყარი რომელიც გაუძლებს საახალწლო სასაჩუქრე ნობათის სიმძიმეს. მუყაოს ჩანთის ზომები უნდა იყოს ერთი საახალწლო სასაჩუქრე ნობათის მთლიანი მოცულობის პროპორციული, მუყაოს ჩანთა უნდა იყოს ფერადი, გაწყობილი საახალწლო განწყობის დიზაინით და უნდა ქონდეს ხელმოსაკიდი. თითოეულ მოწოდებულ ტკბილეულზე მითითებული უნდა იყოს ვარგისიანობის ვადა“, - ნათქვამია სატენდერო დოკუმენტაციაში.
ქედის მუნიციპალიტეტს საბავშო ბაღების აღსაზრდელების საახალწლო საჩუქრებისთვის 12 000 ლარი აქვს განსაზღვრული.
იხილეთ ასევე:
ხარაგაულში საახალწლო საჩუქარს 523 ბავშვი მიიღებს
შოკოლადის კენჭები და მიწის თხილის პასტა - ბათუმის თვითმმართველობის საჩუქარი ბავშვებს
