ყვარლის სკოლამდელი აღზრდის დაწესებულებათა გაერთიანებამ საბავშვო ბაღებისთვის  მისია, ხედვა და ღირებულებები შეიმუშავა.

მისია

ყველა ბავშვი იბადება თავისუფალი, ინდივიდუალური შესაძლებლობებითა და თანაბარი უფლებებით. ჩვენი მისიაა, მას შევუქმნათ საბავშვო ბაგა-ბაღში სახელმწიფო სტანდარტებით გათვალისწინებული ყველა მოთხოვნა.

ბავშვთა ადრეული განვითარებისთვის ხელშემწყობი გარემო:

1. უსაფრთხო, არაძალადობრივი, მეგობრული, თანაბარუფლებიანი, ჰუმანური, ინკლუზიური, ადაპტირებული შიდა და გარე სივრცე, რათა დაკმაყოფილებული იყოს ყველა ბავშვის ფუნდამენტური უფლება;
2. ვაღიაროთ ბავშვი, როგორც პიროვნება. მისი საჭიროების გათვალისწინებით, განვავითაროთ მათი ცნობისმოყვარეობა თამაშ-თამაშით და კვლევა-აღმოჩენით. დასვან კითხვები და მიიღონ პასუხები. დავუგეგმოთ მრავალფეროვანი და შემოქმედებითი აქტივობები, მივაწოდოთ უსაფრთხო და ბუნებრივი რესურსები. ხელი შევუწყოთ მათ ჰოლისტურ განვითარებას;
3. ბავშვი უნდა იყოს დაცული სხვადასხვა ძალადობისგან: ფიზიკური, ფსიქოლოგიური, ემოციური და ა.შ.;
4. თითოეული ბავშვი უნდა იყოს ბაღში არსებული პროცესების თანაბარუფლებიანი მონაწილე;

ჩვენი მისიაა, ბავშვები იყვნენ თავისუფლები, მოაზროვნეები, ჰუმანურები, დავეხმაროთ სოციუმში წარმატებით თავის დამკვიდრებაში და პასუხისმგებლიან მოქალაქეებად ჩამოყალიბებაში.

ხედვა

1. სანდოობა - მშობლებთან პოზიტიური ურთიერთობა, თანამშრომლობა;
2. პერსონალის პროფესიული ზრდა-განვითარება, გუნდურობა;
3. შშმ და სსმ ბავშვების საზოგადოებაში ინტეგრაციის ხელშეწყობა;
4. ბავშვის საუკეთესო ინტერესების დაცვით გათვალისწინებული ქმედებები და გადაწყვეტილებები.

ღირებულებები

1. სამართლიანობა და თანასწორუფლებიანობა;
2. კეთილსინდისიერება;
3. უწყვეტი განვითარებისკენ სწრაფვა;
4. გუნდურობა;
5. გამჭვირვალობა.

იხილეთ ასევე:

„თუ საბავშვო ბაღმა არ იცის, რა მიმართულებით მიდის, აუცილებლად აღმოჩნდება სადღაც სხვაგან“ – „ხედვა“ ახალი პროექტით

რას ნიშნავს ბაღის მისია და რა აქცევს მას ორიგინალურად - მთავარი ორიენტირები და ფორმულირება