„ორი მასშტაბური ინფრასტრუქტურული პროექტი სამგორის რაიონში, ფაქტობრივად, დასრულებულია. N130 საბავშვო ბაღი აღსაზრდელებს 18 სექტემბერს, ახალ სააღმზრდელო წლის დასაწყისში, საზეიმო ვითარებაში მიიღებს. ბავშვებს დახვდებათ ულამაზესი და უსაფრთხო გარემო, კეთილმოწყობილი ჯგუფები, სათამაშო მოედნები, ატრაქციონები. კიდევ ერთი, 15-ჯგუფიანი საბავშვო ბაღის მშენებლობა კი ნოემბერში დასრულდება და წლის ბოლომდე სამგორის რაიონს კიდევ ერთი ახალი, თანამედროვე საბავშვო ბაღი შეემატება,“ - განაცხადა თბილისის საბავშვო ბაგა-ბაღების მართვის სააგენტოს ხელმძღვანელმა გოგი ჩიქოვანმა.

აღსანიშნავია, რომ ახალი საბავშვო ბაღი, ფაქტობრივად, ტყეში მდებარეობს და ამ ადგილს „თბილისის კურორტსაც“ უწოდებენ.