გურჯაანის საბავშვო ბაგა-ბაღებში ახალი სასწავლო - სააღმზრდელო წელი  18 სექტემბერს  დაიწყება - ინფორმაციას გურჯაანის სკოლამდელი სააღმზრდელო დაწესებულებების გაერთიანება ავრცელებს.

გურჯაანის ყველა სააღმზრდელო დაწესებულებაში აღსაზრდელთა რეგისტრაცია 22 აგვისტოდან უკვე მიმდინარეობს, შესაბამისად, ბავშვების მშობლებს და კანონიერ წარმომადგენლებს შეუძლიათ, პატარას დასარეგისტრირებლად სასურველ ბაგა-ბაღს მიაკითხონ.

აღსაზრდელის რეგისტრაციისთვის საჭიროა:

► დაბადების მოწმობის ასლი

► მშობლების პირადობის დამადასტურებელი მოწმობების ასლები

► ჯანმრთელობის ცნობა - ფორმა 100

► ორი ცალი ფოტოსურათი ¾-ზე

► ცნობა საცხოვრებელი ადგილიდან

► განცხადება, რომელსაც ადგილზე შეავსებთ სასურველ საბავშვო ბაგა-ბაღში

სერვისის გასაუმჯობესებლად, გაერთიანებამ, საბავშვო ბაგა-ბაღების მენეჯერების ტელეფონის ნომრები სოციალურ ქსელში გამოაქვეყნა.

გურჯაანის მუნიციპალიტეტში სულ 37 საბავშვო ბაღი ფუნქციონირებს.

იხილეთ ასევე:

აღმზრდელები ტრენინგს გაივლიან, ყველა ბაღში იქნება ცენტრალური გათბობა - როგორ ემზადება ერთი მუნიციპალიტეტი ახალი სააღმზრდელო წლისთვის

ინდივიდუალური ასისტენტის ფუნქცია-მოვალეობები საბავშვო ბაღში - აღმზრდელების ინფორმირება, სტრატეგიების შესაბამისად მოქმედება...