საბავშვო ბაღში აუცილებელია, არსებობდეს ფსიქოლოგის შტატი.
რა ევალება ფსიქოლოგს სკოლამდელ დაწესებულებაში, ამის შესახებ დეტალები ადრეული და სკოლამდელი ინკლუზიური განათლების გზამკვლევშია გაწერილი.
ფსიქოლოგის სამუშაო აღწერილობა
► ბავშვის განვითარების სფეროებში, - კოგნიტური უნარები, ქცევით-ემოციური რეგულაცია, პრობლემის გადაჭრა, ნებელობა და სხვა, - სირთულეების პირველადი იდენტიფიცირება;
► ბავშვის ფუნქციონირების სფეროების შეფასება შესაბამისი ინსტრუმენტების გამოყენებით და აღწერა;
► ბავშვის ფუნქციონირების სფეროების განვითრებისთვის სტრატეგიისა და სამოქმედო გეგმის განსაზღვრა და შეთანხმება მულტიდისციპლინურ გუნდთან;
► ბავშვის ფუნქციონირების სფეროების განვითარება-გაუმჯობესებისთვის აქტივობების განსაზღვრა, ორგანიზება - მასალის შემუშავება, ინსტრუქციის ჩამოყალიბება;
► ბავშვთან ერთი-ერთზე ან ჯგუფში, მათ შორის მცირე ჯგუფში, მუშაობა ფუნქციონირების სფეროების გაუმჯობესებისთვის;
► აღმზრდელ-პედაგოგის და მშობლის კონსულტირება ბავშვის ფუნქციონირების სფეროების გაძლიერების საკითებზე, შესაბამისი სტრატეგიების/აქტივობების გამოყენებაზე;
► აღმზრდელ-პედაგოგის ჯგუფში მხარდაჭერა ბავშვის ფუნქციონირების სფეროების და აქტივობების შეთავაზების/ორგანიზების/გამოყენების პროცესში;
► მულტიდისციპლინური გუნდის სხვა წევრებთან ერთად ბავშვის ბაღში და ბაღიდან ტრანზიციის ხელშეწყობა;
► თანამშრომლობა ბავშვის განვითარების მხარდამჭერ უწყებებთან - ადრეული განვითარების სპეციალისტებთან.
იხილეთ ასევე:
რა ევალება საბავშვო ბაღში მეტყველების თერაპევტს - „აქტივობის შეთავაზება აღმზრდელ-პედაგოგისთვის“
