გარდაბნის საბავშვო ბაგა-ბაღების გაერთიანებამ 2023-2024 სასწავლო წლისთვის გარდაბნის საბავშვო ბაგა-ბაღებში ბავშვთა რეგისტრაციის დრო გამოაცხადა.
როგორც გაერთიანება იუწყება, ბაგა-ბაღებში საყოველთაო რეგისტრაცია დაიწყება მიმდინარე წლის 15 აგვისტოს 11 საათზე და გაგრძელდება 20 აგვისტოს 17 საათამდე.
რეგისტრაციისთვის უნდა ეწვიოთ ამ გვერდს: gardabanikids.grena.ge/kids-registration
რა წესები უნდა დაიცვათ ბავშვის ბაღში რეგისტრაციისას:
► რეგისტრაციის დროს სავალდებულოა ყველა მითითებული ველის შევსება;
► რეგისტრაცია უნდა მოხდეს მხოლოდ და მხოლოდ ქართულ ენაზე;
► არასწორად დარეგისტრირებული ბავშვის შემთხვევაში - იგულისხმება ბაღის ან რომელიმე მონაცემის არასწორი შეყვანა, ბავშვი კარგავს რიგითობას.
► პრიორიტეტების არსებობის შემთხვევაში მშობელმა უნდა წარადგინოს დამადასტურებელი საბუთი არაუგვიანეს 7 სექტემბრისა.
რეგისტრაციის საბოლო შედეგები და ბაგა-ბაღებში ჩარიცხული ბავშვების სიები 10 სექტემბერს გამოქვეყნდება.
ბაგა-ბაღში მიღებული ბავშვების წარსადგენი დოკუმენტაცია:
► დაბადების მოწმობის ასლი ნოტარიულად დამოწმებული;
► 2 ფოტოსურათი 3 / 4;
► ფორმა 100, ვაქცინაციის სრული ჩამონათვალი;
► რეგისტრაციის ბარათი იუსტიციის სახლიდან;
► პრიორიტეტული სტატუსის დამადასტურებელი დოკუმენტი.
„აღსაზრდელი რომლის საბუთებიც სრულად არ იქნება წარდგენილი 7 სექტემბრამდე, აქტიურ აღსაზრდელთა სიაში ვერ მოხვდება“, - იუწყება გაერთიანება.
იხილეთ ასევე:
