ასპინძის მუნიციპალიტეტის სოფელ თმოგვში საბავშვო ბაღის მშენებლობა მიმდინარეობს.

როგორც მუნიციპალიტეტის მერია იუწყება, პროექტის ფარგლებში, ახალი ორსართულიანი საბავშვო ბაღი შენდება, რომელიც გათვლილია 60 აღსაზრდელზე და დაკომპლექტდება შესაბამისი პერსონალით.

„აღნიშნული პროექტით გათვალისწინებულია ბავშვთა სათამაშო და საძინებელი ოთახების, სველი წერტილების, დარბაზის, პერსონალის, ექიმის ოთახისა და საწყობის მოწყობა. ასევე - ეზოს სრული რეაბილიტაცია“, - წერია გავრცელებულ ინფორმაციაში.

თმოგვის ახლად აშენებული თანამედროვე სტანდარტების შესაბამისი შენობით ისარგებლებენ როგორც ადგილობრივები, ასევე იქვე მდებარე სოფლების - ნაქალაქევის, ფიის და მირაშხანის აღსაზრდელები. ბავშვთა ტრანსპორტირებას კი ასპინძის სკოლამდელი აღზრდის დაწესებულებათა გაერთიანება უზრუნველყოფს.

სააღმზრდელო დაწესებულების მშენებლობა 831 800 ლარს შეადგენს.

იხილეთ ასევე:

9 ახალი საბავშვო ბაღის მისამართი, რომელიც თბილისში გაიხსნება

თუ დოკუმენტებს ამ ვადაში არ წარადგენთ, ბავშვი ბაღის გარეშე დარჩება - გაფრთხილება