„ადრეული და სკოლამდელი აღზრდისა და განათლების სახელმწიფო სტანდარტები განსაზღვრავენ თუ რა ცოდნას, უნარ-ჩვევებს, ღირებულებებსა და დამოკიდებულებებს უნდა იძენდეს ბავშვი სკოლამდელი აღზრდისა და განათლების ფარგლებში, ასევე განსაზღვრავს ადრეული და სკოლამდელი აღზრდისა და განათლების დაწესებულების გარემოსა და საგანმანათლებლო ხარისხის სტანდარტს“, - ნათქვამია გურჯაანის მუნიციპალიტეტის საკრებულოს დადგენილებაში, რომელიც 2023 წლის ბიუჯეტს ეხება.
დოკუმენტში ასევე აღნიშნულია ის 6 ძირითადი მახასიათებელი, რაც საბავშვო ბაღმა სკოლამდელი ასაკის ბავშვს უნდა ჩამოუყალიბოს:
- განუვითაროს ბავშვს მომავალი ცხოვრებისათვის, წარმატებულ მოქალაქედ ფორმირებისათვის, მეგობრებსა და ოჯახის წევრებთან პოზიტიური ურთიერთობების ჩამოყალიბებისათვის საჭირო უნარები;
- ხელი შეუწყოს ბავშვს სწორი არჩევანის გაკეთებასა და გამოწვევებთან გამკლავებაში; კრიტიკული და შემოქმედებითი აზროვნების განვითარებაში;
- განუვითაროს ბავშვს ფიზიკური და ემოციური სიჯანსაღე;
- მოამზადოს ბავშვი ზოგადი განათლების დაწყებითი საფეხურის პირველ კლასში მოსწავლის მიმართ არსებული მოლოდინებისა და გამოწვევებისათვის;
- შეუქმნას ბავშვს პოზიტიური განწყობა სწავლისადმი სკოლაში წასვლამდე ერთი წლის განმავლობაში;
- განუვითაროს ბავშვს კითხვისა და წერის სწავლისათვის საჭირო უნარები და მათემატიკური წარმოდგენები.
მუნიციპალიტეტში, დღეის მდგომარეობით, 37 საბავშვო ბაღია, სადაც შესაძლებელია 2 100 ბავშვის სწავლება. სულ, სკოლამადელ დაწესებულებებში დასაქმებულ 568 თანამშრომელდან, 96 აღმზრდელი და 89 აღმზრდელის თანაშემწეა.
იხილეთ ასევე:
საბავშვო ბაღების თანამშრომლებმა იმღერეს, იცეკვეს და იხუმრეს - ღონისძიება ქალაქის ცენტრში ჩატარდა
