ახალციხის მუნიციპალიტეტის სკოლამდელი აღზრდის დაწესებულებამ საბავშვო ბაგა-ბაღების მენეჯერებთან შეხვედრა გაიმართა.
შეხვედრაზე, სადაც სკოლამდელი დაწესებულებების მენეჯერებმა 2022-2023 სასწავლო-სააღმზრდელო წლის ანგარიში წარმოადგინეს, განხილული იქნა წლის მანძილზე გეგმების მიხედვით ჩატარებული ღონისძიებები, ტრენინგები, შეხვედრები, კონკურსები.
როგორც ადგილობრივი სკოლამდელი-აღზრდის დაწესებულება იუწყება, მოხდა არსებული გამოწვევების იდენტიფიცირება და მდგომარეობის შეფასება.
„შეხვედრაზე განხილული იქნა აღმზრდელების პროფესიული განვითარების კუთხით არსებული მდგომარეობის შეფასება. აღსანიშნავია, რომ წელს განხორცილდა მენეჯერების და აღმზრდელების გადამზადება. 66 საათიანი აღმზრდელ-პედაგოგის ტრენიგ-მოდულის ტესტირების შემდგომ აღმზრდელებს მიენიჭათ აღმზრდელ-პედაგოგის სტატუსი. მნიშვნელოვანია არსებული გამოწვევების იდენტიფიცირება. მომავალი სასწავლო წლიდან შემუშავებული იქნება აღმზრდელ- პედეგოგთა პროფესიული განვითარების სქემა მათი მუშაობის ეფექტიანობისა და კარიერული განვითარების დაგეგმვის წახალისების სისტემა.
მიმდინარე წლის მაისი-ივნისის თვეში ახალციხის მუნიციპალიტეტის საბავშვო ბაღებში განხორციელდა თვითშეფასების კითხვარების შევსება, დაწესებულების მხრიდან მოხდა ავტორიზაციის პროცესის მიმდინარეობის შეფასება. ანალიზის საფუძველზე გამოვლინდა საჭიროებები მომდევნო სასწავლო-სააღმზრდელო წლისათვის, დაგეგმილი იქნა სკოლამდელი განათლების სერვისების გაუმჯობესების გზები და სტანდარტთან შესაბამისობაში მოყვანა, რათა სკოლამდელი აღზრდის ყველა დაწესებულება ორიენტირებული იყოს მაღალი ხარისხის განათლების მიწოდებაზე“, - ნათქვამია სკოლამდელი-აღზრდის დაწესებულების მიერ გავრცელებულ ინფორმაციაში.
იხილეთ ასევე:
