საბავშვო ბაღების თანამშრომლებმა წალენჯიხაში, ადგილობრივ სკოლამდელ სააღმზრდელო-საგანმანათლებლო დაწესებულებათა მართვის ცენტრს სასამართლო დავა მოუგეს. გადაწყვეტილება ზუგდიდის რაიონულმა სასამართლომ გამოიტანა.
საბავშვო ბაღების თანამშრომელთა უფლებებს საქართველოს პედაგოგთა პროფკავშირი იცავდა.
პედაგოგთა პროფკავშირის პრეზიდენტის, მაია კობახიძის ინფორმაციით, შესაძლოა, წალენჯიხის ხელისუფლებამ სასამართლოში დავა გააგრძელოს, რაც საბავშვო ბაღებსაც დააზარალებს და სახელმწიფო ბიუჯეტსაც.
„წალენჯიხის მერიის წარმომადგენლებმა საკუთარ უკანონო და უსამართლო ქმედებებზე აგონ პასუხი, სასამართლოს კანონიერი გადაწყვეტილების უსაფუძვლო კრიტიკისა და დისკრედიტაციის ნაცვლად! სასამართლოს გადაწყვეტილებით, უზარმაზარ ზარალს აყენებენ ბიუჯეტს, რაც მოსახლეობის კეთილდღეობასა და საბავშვო ბაღების აღჭურვას უნდა მოხმარდეს. ბიუჯეტის ე.წ. „გულშემატკივრებს“ შევახსენებ, რომ თუ სასამართლო განხილვები გაგრძელდება, გათავისუფლებულთა განაცდური, ჯამში 100 000-ზე მეტი თანხა, გასამმაგდება, რადგან მერიის მხრიდან, გარდა პოლიტიკური ინტერესისა, უკანონო ქმედებების თაობაზე გაგვაჩნია ბევრი მყარი მტკიცებულება“, - აცხადებს მაია კობახიძე.
იხილეთ ასევე:
