ხვალ, 17 ივლისს თბილისის საბავშვო ბაღებში რეგისტრაციის მეორე ეტაპი იწყება.

მეორე ეტაპზე, სკოლამდელი აღზრდის საჯარო დაწესებულებებში დარეგისტრიება უნდა შეძლონ ქალაქ თბილისის მუნიციპალიტეტის ტერიტორიაზე რეგისტრირებულმა ბავშვებმა, რომლებსაც 18 სექტემბრამდე 2 წელი უსრულდებათ.

რეგისტრაციის მეორე მეორე ეტაპი დაიწყება 17 ივლისს, 10:00 საათზე და 24 ივლისის 00:00 საათამდე გასტანს.

რაც შეეხება მესამე ეტაპს, ის გულისხმობს საყოველთაო რეგისტრაციას - ქვეყანაში მცხოვრები ნებისმიერი ბავშვი შეძლებს ჩაირიცხოს თბილისის საბავშვო ბაღებში. მესამე ეტაპი 25 ივლისს, 10:00 საათზე დაიწყება.

თბილისის საბავშვო ბაღებში ელექტრონულად დარეგისტრირება შესაძლებელია საიტზე - kids.org.ge, თუმცა უკვე კარგა ხანია, რაც  თბილისის ბაგა-ბაღების მართვის სააგენტოს ოფიციალური ვებგვერდი შეფერხებით მუშაობს და მასზე შესვლა, ხშირ შემთხვევაში, შეუძლებელია.

რეგისტრაცია დაიწყო, მაგრამ საიტი არ მუშაობს - „არ იხსნება და როგორ დაიწყეთ, ნეტავ?“

„თუ მშობელი რაიმე მიზეზით ვერ ახერხებს ბავშვის ელექტრონულ რეგისტრაციას, შეუძლია განცხადებით მიმართოს სასურველ საბავშვო ბაგა-ბაღს,“ - განაცხადა თბილისის მერმა, კახა კალაძემ დედაქალაქის მთავრობის სხდომაზე, როდესაც ის ბაღებში რეგისტრაციის დეტალებზე საუბრობდა.

თბილისის ბაგა-ბაღების სააგენტოს უფროსი, გოგი ჩიქოვანი კი ამბობს, რომ სანერვიულო არაფერია და მშობლებს, სკოლამდელი აღზრდის დაწესებულებებში ყველა ბავშვის ჩარიცხვას ჰპირდება.

იხილეთ ასევე:

ერთი ბაღი დაანგრიეს და თავიდან ააშენეს, ერთის ნაწილს რეაბილიტაცია ჩაუტარდა - სად გაიხსნება ახალი სკოლამდელი დაწესებულებები

„შედგენილია აქტივობების პროგრამა და მენიუ“ - საბავშვო ბაგა-ბაღების სააგენტოს უფროსი ბაღის პერსონალს ესაუბრა